靚白粥的煲法

材料 (2 大碗白粥份量)：

油粘米 1 嘜 (即是 0.8 飯碗)

水

植物油 1 茶匙

做法 (1 個鐘攪掂)：

1. 首先就梗係洗米喇！嗱，呢o的肥肥短短o既，就係油粘米啦！煲粥一定要用油粘米先香架！我用開惠康有賣o既「禾味米」，呢隻牌子o的米好香架！

2. 用 24 cm 鍋，水量為四份三鍋滿。加 1 茶匙植物油 (點解？唔 ... 記得左啦 ... 你當秘方喇)

3. 煲到o的水大滾時先落米呀！落完米後，再翻滾到大滾程度 先轉中火繼續煲

5.要冚蓋煲喎，不過記住留少少虛位畀蒸氣散發，如果唔係就滾瀉晒，到時抹到你傻呀！

6. 十分鐘後 ... o的米水開始濁濁地勒

7.十五分鐘後都好似係咁上下 ... 不過o的泡泡好似勁左

8.三十分鐘後，好多泡啦！水位去到得番一半。如果你用o既火太大 o的粥水會有澎脹o既趨勢，似係想向上升起咁 ... 咁你就要較番細少少個火啦！

9. 呢個時候，可以見到o的米已經脹晒、爛爛地，但o的粥水仍然稀o既。注意：由呢度開始，隔幾分鐘就要搵個湯殼攪勻o的粥一次，咁o的粥先至會綿、同埋唔黐底架！

10. 開始成形啦 ~ o的粥水開始杰

11. 水量大大下降至鍋深o既 25%，近磅啦 ~

12. 一個鐘後，o的粥已經o岩o岩好，大家會見到煲邊開始出現塊狀o既結焦，咁好熄火啦！

13.又綿又有米香o既白粥一大碗，enjoy！