請問你會唔會支持欣宜，如果會，請問你是因為肥肥還是本身鐘意欣宜？

本身都覺得佢OK既 ..!!
因為佢以前咁肥..都信心上舞台表演..吾系個個都得架嘛!! 尼點我都幾欣賞佢架! 另外, 佢有生長系單身家庭,由細就被人話肥, 都可以有咁開朗既性格...加上佢都孝順肥姐, 咁都吾錯啦!!
吾會因為肥姐既關係!!

我都會支持佢的！其實以一個二十歲的女仔來說，佢所承受的壓力比同年的女仔多好多，大家應該體諒佢。

至於佢之前所做的錯事，試問有邊個人年輕時係無做錯事丫～唔好用有色眼鏡對佢啦～

欣宜，我支持妳啊！

我會支持佢!!!!
一定有少少係因為肥肥架喇~但係其實佢唱普通話O的歌~把聲係OK架~而且依家大把歌手都唔係賣樣架啦!!!
佢個樣差~但係把聲搭夠~所以.....
支持你~堅強O的~等肥肥係天堂都開開心心!!^O^

我會支持欣宜.

原因並非特別鍾意佢或肥肥, 只因覺得佢呢一刻好需要其他人既 support. 佢o係短期內失去了婆婆及媽媽, 本身有老豆又等如無老豆, 彷彿最親既親人都無乜邊個留o係身邊, 所以都覺得佢幾慘. 加上睇電視片段亦覺得佢好孝順, 一個孝順既人應該唔壞得去邊. 所以我奉勸其他人唔好再因為覺得佢肥同醜而再攻擊佢, 咁樣對佢既努力實在有欠公平.

坦白講...有幾多個人会真正likely肥欣吖！所謂支持佢...多多小小都係因為佢阿媽！
其實，人肥人醜唔緊要，但最緊要唔好乞人憎！醜小鴨只係童話故事，鴨就係鴨...天鵝就係天鵝，点可以lo亂嚟講！