✔ 最佳答案
年紀當然會有影響, 但係你現時係老咗幾多先, 如果你宜家已經60歳, 咁人地會覺得你係退休人士, 揾唔到唔出奇. 但係如果你宜家係30歳, 咁樣就未必關年紀事, 可能係因為近這十年來, 香港政府將大專學額增加咗十倍, 所以老闆太多合資格的申請者可以選擇, 而你又一時間運氣唔好, 冇俾佢選中.
試想想, 十幾年前, 一般市民即使讀到中七, 一世人都可能未掂過部電腦, 如果要請識電腦
o既文員, 一定要去各大專院校, 但係當時全香港o既大專生每年只係出幾千人, 所以如果你做開文職, 唔請你請邊過.
相比起今日就唔同晒, 一般年青人係由小學一年級開始學電腦, 去到中七已經學咗十幾年, 如果老闆還嫌唔夠好, 大專生人數每年出幾萬, 好平都請到個, 試問D老闆宜家咁多人俾佢揀, 佢會唔會一定揀你先, 要知道老闆唔係一定要揀最有經驗最好o既, 佢要揀佢認為同佢最合得來的, 與及能力適中的, 如果你學歷與經驗已經太多, 佢驚你做做吓有好路數走人, 情願請個弱啲o既.