請問現今幼稚園升小學既過程係點？

第一階段係“自行分配學位”，係選擇性嘅，你可以只申請“統一派位”。
你填咗張表格之後可以直接交到你心目中想小朋友讀嘅學校度，之後就等結果。如果間學校電腦選唔到你，咁就到第二階段喇，你將會收到一封「統一派位選校通知書」。

第二階段係“統一派位”，第一階段冇小學學位嘅小朋友同埋只申請“統一派位”嘅名單全部都會收到一封通知書。呢個時候，你要去屬於你個小朋友讀嘅幼稚園所屬嘅學校網嘅“統一派位中心”辦理統一派位嘅選校手續。

幼稚園會喺第一階段將開始嘅時候講俾家長知所屬嘅“學校網”編號。而“統一派位中心”嘅詳細資料就會寫晒喺封通知書度。

記得要留番“家長副本”，日後要帶埋去攞“小一註冊証”架！