Professional Qualifications

如果張FORM, 有一個表(table)要你填讀過邊間學校及每間學校讀到畢業後取得咩學歷, 然後响後面又有另一個表(table)要你填 professional qualifications, 這個表要你填的其實是你的專業資格, 例如:

ACCA Level II Completed (英國會計師公會 程度2, 所有試卷合格)
RSS graduate diploma (英國皇家統計師學會-研究院文憑)
RSS higher cerificate (英國皇家統計師學會-統計學高級證書)
IFMA FMP (國際設施管理學會 設施管理專業資格)

請留意: professional qualification 並不是在大學修讀畢業的大學學位或高級文憑, 而是專業學會認可的學歷資格, 這些學歷資格一般都是透過考公開試及專業工作經驗得到的, 亦有很多是由大學頒發的學歷申請豁免得來的, 舉例來說: 如果你於城市大學修讀設施管理文憑, 由於該課程難度夠高, 結果被國際設施管理學會認可了, 那你畢業後, 除了得到城大頒發的設施管理文憑外, 你還可以向國際設施管理學會申請一個叫FMP 的專業資格, 這就是你要填的professional qualification. 至於那個文憑填在那裏好呢? 當然係你讀過咩嘢學校果個表.

另一個真實例子係十二年前香港科技學院的應用統計及電子計算學高級文憑, 當時該課程受皇家統計師學會認可, 結果我畢業後學院頒咗個高級文憑俾我, 皇家統計師學會就豁免咗我2個LEVEL的所有統計學考試, 同埋俾咗張Higher Cerificate in Statistics俾我, 之後我去見工, 就每次都將個科技學院o既高級文憑寫响要填報學校果個表(table), 而將皇家統計師學會o既高級證書寫响Professional qualifications果個表度.

如果你讀o既係社會科學, 英文, 中國人民學科, 翻譯, 物理學或化學等, 可能會冇E啲Professional qualification, 咁樣就唔使寫, 亦唔使咁擔心, 因為其實唔係咁重要, 但係如果你以往讀o既係會計, 統計, 機器, 電子....工程, 物業管理等等..., 咁你就有好過冇, 尤其是會計, 一般來說特區政府認可的高級文憑或以上的課程(而又係類似以上學科o既話), 讀完之後都可以或多或少取得有關o既專業資格, 你只需頭一年約俾$1000港元, 之後每年約俾$500左右, 就可以keep到個專業資格, 如果英磅貴, 就會貴D.

如果你見會計, 冇ACCA 所頒o既專業資格, 一定大打拆扣, 就算你讀到碩士, 都唔可以做會計師, 如果見政府工, 取唔出有關o既專業學會資格, 即使同樣係大學畢業, 人工會平一至兩個薪級, 如果係物業管理, 冇取得MIH 專業資格, 就算係大學畢業加十年經驗, 都好難有經理做, 所以如果你check過你係有資格攞的話, 記住唔好慳果少少錢, 攞咗有着數.