[租約糾紛] 請睇睇下面呢段野點解...

擬定呢張約既經紀講得對。

舊業主連租約賣咗,講明「連租約賣」,
既係新業主要繼續租俾你,起碼至租約期滿。

你張約寫:
「租約為兩年，首年為死約，第二年為生約，
生約期租客退租需提前壹個月通知業主。」

既係在死約期你同業主都無權單方面解約,
而生約期只寫明「租客退租需提前壹個月通知業主。」
既係生約期只有租客有權壹個月通就唔租,
而業主就同死約期一樣無呢個權利。

除非張約寫明「生約期雙方可提前壹個月通知終止合約。」
咁業主先可以在生約期唔續租俾你,
否則生約期係對租客有利。

心鏡魔說得對，新業主個經紀「耍」你的，因為你早Ｄ退租，地產可以早Ｄ放盤收佣；而且我好質疑個經紀有無牌，可以去投訴佢。

生約期內未得租客同意，業主是不能收樓或加租的。生約是租客行駛的，業主是沒有行駛權的。

葉謝鄧律師行－－－何謂生約？（短片）
http://www.898.com.h k/mdks_vw.asp?mmsID= 121

「租約為兩年，首年為死約，第二年為生約，生約期租客退租需提前壹個月通知業主。」
擬定呢張約既經紀說得無錯, 新業主是無權於生約期內要求收樓. 因為生約期內租客退租需提前壹個月通知業主.
再次, 呢約係保障個租客既. 除非你們雙方都同意搬出就無話可說了.

你有無退租阿？