蒸魚點計時間

通常一條一斤重的魚要蒸8分鐘，之後每多重一両就加多一分鐘，如此類推。所以買魚時記住條魚有幾重。記住睇鐘計時，多一分會"鞋"，少一分唔熟，再補蒸會出水，肉又會過熟。
記著水要大火滾到"衡"，才放條魚落去蒸，中途不可揭蓋。全程亦要用大火蒸。所以一開始煲水時，就煲夠足量的水，否則中途揭蓋補水而洩了全汽，條魚肉身會瀉，唔好食，阿媽都救唔到你。
如不幸真要補水，記著旁邊常備一煲滾水；加水時，只揭起少少鑊蓋，沿邊加進去。千祈唔可以落凍水，等得佢再滾起都返魂乏術！阿門！
如果鑊蓋不緊會疏氣，就在蓋的邊沿上"攝"上濕碗布。
若蓋子不是拱形而是平的，就先在魚身上蓋一張錫紙，以防"倒汗水"回滴到魚身上，搞到一大碟水。
蒸海鮮呢家嘢，都係講功多藝熟；真係吞唔落，啲貓貓唔介意執手尾。

蒸魚點計時間 是10-12分鐘