有咩聖堂係可以女仔做輔祭？

依家女既輔祭都好普遍啦. 如果你個堂區未有, 好可能只係未有女仔請纓想做啫. 你知啦, 中國人最怕出位, 由其是你係女仔, 覺得你好唔應該自薦咁. 在下就唔係咁介意人地既睇法. 當年係空手道班在下係唯一既女生. 明明冇規定女仔唔准入會, 只係未有人敢做第一個之嘛. 有第一個就有第二第三個架啦.
做輔祭係幫下手, 為堂區教友服務, 光榮天主. 你有心幫手, 咪出聲囉, 怕唔好意思, 咪搵多一, 兩個女仔陪埋你一齊加入囉. 去搵下你所屬堂區既輔祭會傾下先啦, 唔問又點知佢地係咪唔歡迎女仔加入呢? 因為去第二d堂區, 又唔識人, 同屋企又遠, 都係冇咁方便既.

2008-02-25 04:02:50 補充：
咁來睇佢地人手一定好充裕啦. 唔夠人既話一定冇咁大口氣的! 在下所屬堂區仲係好新, 個個善會都唔夠人手, 好多人身兼多職. 你可以循呢個方向發掘下啦, 你在香港定九龍? 有冇新d既堂區? 多數新市鎮個d堂區新d, d人後生d, 冇咁多傳統包袱. 想知我係邊區就mail我啦!

其實大部分聖堂都會有女輔祭,你不妨直接去問你所屬堂區聖堂既輔祭會
只有你虛心求教,熱愛為天主服務,做輔祭會係一份快樂的工作


同你分享一下, 係我堂區,我身任兩個小聖堂輔祭會既會長
係兩個聖堂都有女輔祭,有時有d接受了堅振的小朋友會主動問我,
我可以做輔祭嗎? 我會很熱心歡迎佢地加入

願主祝福你!