ebay問題

回答
1. 唔需要一定正面交收, 好多時都係外國嘅買家, 通常都係寄去. 唔比錢? 指定要Paypal 過數, 收到 Paypal 過數比你寄貨, 當然你自己都要開個 Paypal 戶口啦.
2.你介紹你件物品時要講得好清楚, 包括有冇邊度係花咗, 爛咗, 影多幾張相, 等啲投標人清楚知道件貨嘅真實狀況, 唔好隱瞞, 同時講清楚你件貨有冇得換, 你可以提出件貨在任何情形之下都冇得換(會影響投標人興趣), 或如果件貨同貨品介紹唔同; 可以退貨或換貨(所以要在介紹時講得詳細啲)
3. 賣去外國同本地都冇乜大分別, 只不過寄貨時要填多張清關表格.
4. 要做啲乜嘢貨要睇市場需要同睇你眼光.
5. a)唔好賣貨去非洲國家
b)有時有人要求唔經ebay投標, 要同你直接交易, 唔好信
c)一定要收到錢先寄貨, 支票/匯票都可以係假, 就算話銀行電匯都可以係假.
d)盡量滿足買家嘅發問, 人地問你問題要盡快回答, 表現你係有責任嘅賣家.
e)盡量保持你嘅" +" 評級, 負評級影響你嘅招牌.
希望幫到你