yorksir:邊種浴室用的鏡比較好.現有好多掛牆鏡都容易發霉,一二年就玩完,是不是玻璃的質量有間題?

雖然我不是做玻璃的，但我對鏡也有些認識！因為差不多每間屋都有鏡或玻璃的建築材料！！

現時你說很多鏡是會發霉，我也十分同意，以我的經驗，可以歸納出兩個可能！

首先，我哋公司同客人裝修，我們會選擇質量較好的鏡，因為我們是做熟客生意的，我們不是鬥價搶生客！但好多公司的客路是生客，個客又唔識佢公司，當然可參考的就是價錢，因此，很多公司都會以〔平〕作為做生意的手法，從而演變出〔先平後加〕〔先平後貴〕〔價平質低〕的經營手法！

其實鏡，真是有等級給你去選擇的！只是絕大多數人都是選件平的！其實所謂貴同平，個價都唔好真係差咁多！

正所謂一分錢一分貨，有買錯冇賣錯，那件東西賣得平，一定是有些問題才會賣得那麼平！

因此，一般在市場上，用鬥價來爭生意的，一般都會用平貨，羊毛出自羊身上也！因為你畀乜個客，個客係唔會即時知的，但你收個客幾多錢個客就即時知，但個客係唔知件鏡係貴啲料嘅！

唔好笑，這種做生意的方式是很普遍，十分正常！但通常那種做生意的模式，都是靠做生客為主！

平的鏡同貴的鏡，講真望落去真是差不多，平的鏡日後有冇問題就是後話了！

至於第二個因素就是很多人都是用了一些普遍的玻璃膠或釘膠去〔痴〕鏡，普遍的玻璃膠是帶有酸性，那些帶有酸性的玻璃膠，是可能會和鏡背而的水銀層有化學反應，於是會有一點點好似啡色的物體出現！

為什麼啲人唔買中性的玻璃膠去做呢？

第一，就是做啲人個腦唔唸野，拿拿林做完收錢，完成唔唸個客日後的感受，事後關人！這類人香港大有人在！

第二，就是有些是明知的，但因為支無酸〔中性〕的玻璃膠是比普通的玻璃膠貴，現時，一般玻璃膠是＄８－＄１６左右，其實質量是相同，只是有些五金鋪食水深，一些較老實的問題！而無酸的玻璃膠，全香港最平最老實的五金鋪都要賣＄１６，一般都要賣＄２０！

對了，就係為左幾蚊啦！好多裝修佬就係咁ＣＨＥＡＰ啦，就係為左慳番幾蚊，就用支普通的，因為個客唔識！

所以要有好的質量，監管是十分重要的！！

至於那裡有較好的浴室鏡呢？老實講，擺得係街要鬥價的，你都唔好咁有期望了！你去批發或玻璃廠買吧！

電話方面，你可以Ｅ－ＭＡＩＬ畀我，我不在此說了，以免有幫人賣廣告之縑！

YOKI WONG
圖片參考：http://hk.yimg.com/i/icon/16/1.gif