有關光...

你的<<牛頓定律>>:速度越快,質量越大 唔知係牛頓三大定律的邊條?

牛頓定律有慣性定律, 加速定律, 作用和反作用力定律. 都冇提過 "速度越快,質量越大"

光係一種電磁波, 電磁波係自然界係以純能量的方式存在, 係沒有質量的, 所以也沒有重量。(因為你的重量係用kg做單位, 我理解為質量的俗稱. 物理上重量同質量係不同的, 要有重力才有重量, 幾大質量的物品, 在失重時重量都係零)

2008-02-27 10:16:55 補充：
證明物體的加速度與物體的質量成反比<-------

按牛頓第二定律, F = ma, F係外力, m係物體質量, a係加速度. 在受的外力不變的情況下, 物體產生的加速度和它的質量成反比.

如果光係一種物質(假設佢有質量), 因為佢的速度係不變的, 即係話佢在任何情況下的加速度永遠為零, 咁我們可以推出 F = m*0 = 0, 即係話光係任何情況下都不受外力.咁反而證明光應該係冇質量的, 都幾矛盾下
所以對於光來講, 經典力學(牛頓定律)係不適用的, 應該用現代物理學(相對論, 量子力學)來分析