陳冠希記招交代得唔錯

好認同,edison講得好好,好勇敢,起碼敢認,雖然係遲左出黎道歉,但總算肯承擔所有後果,其實又唔係佢一個錯晒,佢又唔係強姦,又唔係偷拍,大家都自願既,依d係佢地既私隱,最多咪話佢變態,有怪癖,只係唔小心比人見到d相,點解edison要離開香港,退出娛樂圈,而天真小姐就可以扮受害者,扮無野繼續搵錢

我都好認好樓主講法
雖然佢曾經走左去美國
但最後佢都有出黎同大家交代返成件事
起碼佢都有為佢做過既野道歉
天真GILL就推卸責任
出黎講話係佢天真,傻,言下之意係咪即係指佢係比人呃
其實之前佢06果陣比人偷影到件背心仔喊得咁犀利
而家先比人插得咁大獲
如果佢係同大家講返句對唔住,承認返佢做過既野
我覺得仲可以原諒下
但佢而家仲繼續扮純情,真係想作嘔

YES !! 真係唔錯 !! 起碼 陳生 真係比我地睇到佢真的有心道歉 !!
好過 偽人 Gill !!

佢肯出黎道歉認錯,承認所有野都係佢既錯已經好好啦! 影個時點知會搞到咁大件事呢! 其實都好正常姐, 男未婚, 女未嫁, 只不過佢地係藝人, 所以大家先至會咁有迴響咋...呢個責任真係唔係咁易承擔, 況且佢已經付出佢的前途做代價, 佢做得好過呀嬌啦, 由頭到尾都冇親口認過自己係相既女角, 仲好似講到edison呃佢咁...仲有個d所謂既演藝人協會, 淨係可憐呀嬌, 將成個責任推哂去edison到, 都唔明點解edison就要退出娛圈, 佢就仲會有人支持!!

我認為Edison都係受害人，衰佐就死狗認衰道歉,現在又要退出娛樂圈,都算有個交待肯承擔。總之呢單野沒人想，應該係場意外。因為私房事拍來自娛,是屬雙方個人喜好問題，但依家個個只罵他殘男，要將所有事推到他身上，由他一人去啃，是不公平的！
依家他認佐衰，大家就原諒他吧！
不境少年風流誰無錯呢?

我都覺的他交代的不錯,雖然我也不是他的fans,但比起另一女星就真的多,其實他也是受害者之一,真的希望他可以受了敎訓後,重新站起來.

好過冇啦！

Edison is very brave and responsible.....
希望佢快D知道, 佢出唻交代左年事, 道左歉後, 有好多人支持佢. 快D重新振作好好做人啦!!!

退出確實係無辦法之中既辦法,我不嬲很不喜歡陳冠希的,不過我都認為今次要佢負擔所有責任太唔公平,佢唯一要負責就係不小心處理相片,男未婚女未嫁你請我願,為什麽到現在為止還有一些人(包括藝人)偏幫女方?有人話自己天真,哪為何未認清對方就可跟別人上床?明眼人也看得出跟本就是兩個很不同的時段拍攝,之後還在報章上什麽深愛對方卻被男方欺騙感情?將一切堆在男方身上,郭晶晶田亮事件是這樣,陳冠希事件又是這樣,我是女性,也懇請不要再喊"要男女公平"跟本沒有公平!香港人呀!國際城市,為甚麼也不能分辨是非黑白呢

講得非常好

陳冠希本身都好慘,好似過街老鼠咁,又比人話佢係縮頭龜, 其實成件事佢都係受害者,那些女星當時也是自願的,發生這些事自己都要付部份責任, 雖然我不是陳冠希的粉絲,亦都吾鍾意睇佢既作品, 但係我都希望香港人能給他一次機會囉