泰國自由行~

1. 4月已經初步進入泰國的雨季, 所以落雨的機會都會比較大, 但果邊好多時一落雨就好大, 落15分鐘又即刻好好陽光, 所以都冇所謂, 除非你真係超級黑仔, 先會遇著連續幾天整天下雨。由於有時落下雨, 所以反而冇咁熱, 3--5月熱d
去泰國, 好多人都想要陽光海灘+shopping, 而最大路的行程係芭堤雅+曼谷
由於唔知你的航班, 所以只能大概同你編, 亦大概同你選左兩間我比較建議的酒店, 在芭堤雅的Woodland夠relax, 而曼谷的Arnoma就夠就腳, 你可以參考下:
第一日: 到達曼谷, 事先book定車接你去芭堤雅, 入住woodland resort hotel, 去join定明天的one day tour, 去珊瑚島的hardtien海灘, 夜晚入芭堤雅的步行街行下, 食下。

第二日: 專車接你去join your, 黃昏回到酒店, 出去睇人妖及晚飯

第三日: 早天在woodland 的泳池游水晒太陽, 大約10:30check out, 約定車去曼谷的酒店, 中午到達Arnoma Hotel, check in 後馬上到隔離的Big-C頂樓午餐(因為都成點鐘, 簡單搞掂午餐, 可以在樓上的日本餐廳, 例如大根, 平靚正), 食飽行下Big-C三樓, 二樓的超市, 及樓下的Fashion Outlet(買levis), 再行下Boots
夜晚去唐人街, T&K海鮮, 不要吃飯, 留肚再在唐人街吃各程小食。

第四日: (如果是星期六或日): 去JJ MARKET(SUNDAY MARKET), 午餐於market內, 下午行各大商場夜晚行下, 包括Central World, Central Chitlom, Siam Paragon(可以去埋Siam Ocean World), 夜晚到酒店附近約步行20分鐘的baiyoke sky hotel,的83樓sky roof飲杯野, 再上去84樓sky walk睇下風景。又可去附近試下海南雞飯

第五日: 如果仍有時間可以在行下Central World和Big-C, 因為近酒店, 提前2小時搭的士去機場

兩間酒店都係5xx每晚左右, 如果覺得酒店貴的話可以選芭堤雅的green park,曼谷的Siam IBIS, 都方便。
book車和book tour可以參考:
[email protected]
佢係長居在芭堤雅的香港人, 好多人去玩都叫佢幫手book, 當然佢亦有錢賺, 但唔會貴過你自己去book, 而且仲係見到面先俾錢。佢仲可以book車、show之類。總之芭堤雅既野, 佢都幫到手。

[email protected]
一個泰國華人導遊, 有自己的車, 可以接送, 不過經常book滿。

[email protected]
懂英語, 曼谷與芭堤雅之間的接送最平, 佢有好多車

[email protected]
識廣東話的泰國華人, 有旅行社, 可以代book各種東西

以上四位都不用事先付錢, 去到見面先俾, 但請不要濫用或欺騙他們, 因為很多自由行都要用他們的服務。
全部以email或電話預訂。

最好全部都問價, 比較過ok再同佢confrim , 因為有d以前幫襯過, 但而家有冇加價就唔知。
有左個基本行程之後, 再到各大網站參考下就更加好, 再修改行程中部分唔鍾意的內容。但緊記, 初次自由行, 酒店最緊要就腳。
www.thailandfans.com
www.ec2thailand.com
http://www.thaifreetour.com.tw/thaifree_bkk-new1.htm

以下係我去過既行情比你參考:
DAY 1 & DAY 2: 先去芭堤雅. 芭堤雅的海底漫遊係最好玩, 請不要錯過D個項目. 由曼谷去芭堤雅來回都要5個鐘頭的車程, 如果淨係去一日唔過夜的話, 一定唔夠時間玩的. 所以最好在芭堤雅住多晚. 你可以在曼谷機場找一部的士去芭堤雅的. 我上次試過同個的士司機講價, 叫佢唔好計錶, 就咁開個價比我地, 因為跳住錶入芭堤雅一定會好貴的. 初時個的士司機開價要2000泰株, 後來我地講價講到1500泰株成交. 我地係芭堤雅出番曼谷的時候, 在芭堤雅近海灘的Hard Rock Hotel附近找到一間出租車的舖頭, 可以安排車比你出番曼谷的. 1800泰株就有交易, 雖然係貴過搭的士300泰株, 但部車係全新及好乾淨的, 而且車箱內好舒適及大, 一D都唔覺迫的. 芭堤雅水上活動可以在芭堤雅沙灘找到, 記得要講下價呀!
DAY 3:
出番去曼谷後, 去酒店CHECK IN及放抵所有行李後, 可以去遊覽湄南河, 傍晚去四面佛及附近的大型購物中心SHOPPING. 如果持有旅遊證件去大型購物中心SHOPPING, 可以申請退稅的, 詳情請在付款時向收銀員查詢, 他們會好樂意教你怎樣辦理的.

DAY 4:
如果D一日你星期六OR星期日的話, 早上可以去翟道翟跳蚤市場. (翟道翟逢WEEK END才開門做生意的). 翟道翟的地方好大, 可以行足一天的. 入面佢分了好多個不同的區域, 如服裝區/家庭用品區/手工藝品區....等. 所以你去到翟道翟的時候, 可以在大門口或各主要通道睇左地圖先, 然後按自己想要買什麼or睇什麼來決定去邊個區域的先後次序. 不過去翟道翟的話, 要帶備足夠的飲用水/帽及防曬用品, 因為翟道翟在中午時份會好曬及好熱的, 所以要帶齊以上的物品以防中暑. 傍晚可以去Let's Relax做spa, 我之前幫襯過Let's Relax, 佢地既師傅的手勢及服務態度都唔錯, 而且環境舒適乾淨. 不過最好去做之前打個電話去預約左先, 因為佢有好多人去幫襯的, 如果沒有預約的話就上左去的話, 可能未必即時安排到師傅幫你做spa的. 你可以去Let's Relax的網站睇到佢既地址/電話及價目表: http://www.bloomings pa.com/index.php 做完spa後, 可以去Let's Relax附近的Baan Saranrome食晚飯. 這間飯店是以五世皇時代佈置為主題的泰國餐廳. 地址: 10/9-10 Sukhumvit Soi 39,Bangkok. Tel: 662-2602787 營業時間5:00pm-10:00pm

DAY 5:
D一日可以去泰國夢幻樂園(Dream World)玩機動遊戲及影相, 園內有好多得意別緻的3D公仔(有D有成個人咁大的)供遊人影相. 你可以去Dream World的網站睇下點樣去: http://www.dreamworl d-th.com/english/ind ex.php 如果玩完泰國夢幻樂園, 你亦都可以去Safari World理生動物世界睇動物的, 有關這個野生動物園的資料可參閱其網站:
www.safariworld.com 晚上可以去唐人街行食晚飯, 果度的海鮮及魚翅都唔錯, 而且林真香的鋪位都係位於唐人街的, 食完飯可以去林真香買一些肉乾或者泰國特產做手信. 如果你買完林真香手信仲想行多一陣街, 但又拿住一袋二袋唔方便的話, 可以要求林真香提供免費送貨服務(當然是要買了一定數量及酒店位於曼谷市內才可以送貨, 數量方面: 我上次夾埋我D FRIEND都夠架啦), 佢地會將你所買的手信送到去你所住的酒店大堂後交給酒店職員保管住先. 當你回到酒店之後, 酒店職員便會交番D野比你的. 不過你大可以放心, 林真香的老板是懂得講廣東話的, 所以你只要比你既酒店名稱及房間號碼佢,佢就會識得送去酒店, 根本唔駛擔心溝通唔到的問題.
P.S.: 如果第一次去泰國的話, 最好去三聯書店買本泰國旅遊書籍帶埋過去, 因為D旅遊書有齊詳細地圖/景點+酒店介紹及前往方法.....等有用資料, 帶本書過去就無一失.

You can reference to 實惠旅遊
D 機票加酒店 Package, start from $1488.
http://www.net-travel.com.hk/