nds 迷失蔚藍.寶石一問(20)

彩石全攻略
引言：
彩石-----可以用黎整有名堂既項鍊，而相傳呢七條項鍊(對應七種彩石)同永遠留在島上的結局有關(小弟其實唔係咁信)。所以好多人都好想搵到彩石，但係我相信搵彩石係Lost in Blue 2 入面最難解決既謎題。好多人用盡所有精力都搵唔到。希望呢個小攻略可以幫到大家。

基本心法：
搵彩石，基本上就係o係一塊無咩特別既地上面進行地毯式搜索。望地面咩都見唔到，要你真係search下先可能會有收鑊。明白左基本原理，你可能會覺得好困難，茫茫大海，點搵呀？所以係睇落去之前，先了解搵石既概念：

1) 其實彩石既位置並唔係fix 死係某一點，而係定期係某area 內reborn，所以我地只可以講出一個大概位置，而無可能講俾你聽彩石exactly係邊點。
2) 好多人因為係download game玩而無說明書既關係，攪錯左一個問題：就係搵石並唔係用 press “A” 既 search，而係用筆touch 自己腳邊，好似挖potato 咁既情況去search (中文好似有人叫”扒地版”)。好似薯仔同蜆，你press “A”咪可以zoom 入去detail d 咁搵野既? 但係如果你想係一般地面都做到detail search，就一定要用筆touch自己腳邊喇。如果你press “A” 搵，你係會一世都搵唔到既。
搵石大法
咁如果只知道大概位置，d彩石咪好難搵？錯！只要你係正確地點用以下教大家既「搵石大法」，搵石可以話係無難度！

第一招：載滿你個袋
你可以全身放滿野(20格滿)，然後用press “A” 去週圍search。如果o個度係有彩石既話，佢會唔郁話”My backpack is full”。咁即係話你企緊o個個位有彩石啦！咁你而家就可以用筆touch 你腳邊，搵o個粒彩石出黎。

第二招：用筆狂點法 (特別鳴謝vjvjvj123提供此方法)
lost in blue 2 除左用十字鍵，你都可以用touch screen 控制人行。當你支筆touch screen 佢就會向你touch o個個方向行。Touch 個位近主角既就會行，touch 個位遠既就會跑。如果你係好近主角既前方一路係咁篤，佢就會碎步咁向前行。重點黎喇！你頭先篤既每一下都好似searching 緊彩石咁，如果你篤o個個位係有彩石既，主角就會停低做執野o個個動作，咁你就可以用筆touch 你腳邊，搵o個粒彩石出黎。呢個做法可以極速搜尋大量地方，效果奇佳！(我自己會橫行咁search，到盡頭後落少少，回頭又一個橫行咁search，好似”S”型咁搵落去。)

小弟強烈建議用第二招(第一招只是為了完整性才打下來)

彩石地圖
遊戲當中應該係由彩石地圖引起玩家們對彩石既注意。彩石地圖要和森林入面既猩猩以物易物獲得。以下將簡單介紹：
猩猩會係森林三個大石台其中一個上面出現，每日只出現一次。一開始你唔應該俾野佢，而係同佢傾計。要傾到好熟先俾野佢，佢鍾意你樣野就會送番野俾你，其中包括 2-way radio(爆機用) 同map D (即彩石地圖)。傾計方法 -- 其實係一個扮猩猩game, 佢首先會講一句野，或者叫做發幾個音啦 (唔係睇字，係真係聽speaker 既聲)，當佢講完同停晒動作望住你，你就嘗試扮佢發出既聲(真係用Mic講野架)，如果佢覺得你似就會舉晒手 or 拍手掌，唔似就會打心口同走人。當你第一次同佢玩，佢只會玩一次就走人。如果你第一次係成功既，第二次就會同你玩兩次。如果你兩次都扮得似，佢下次就會同你玩三次，如此類推。佢同你愈熟會走得愈近。到你同佢可以係一次傾計入面玩到5次，咁佢對你既信任度就夠高啦，你就可以正式俾野佢。(信任度夠之後就唔駛再玩，每次都可以直接同佢以物易物)






彩石位置：

彩石有重生期（１０天？），即你拿了彩石後第二天再去，可能怎也找不到彩石！實際重生日不太確定。藍＆紅是特別的，沒有重生期的

紅色：猩猩好感度5後，交換禮物時會隨機給（可以日日拿！S/L大法？）
橙色：北之岬一出洞口

整個島最後去到的最高地方，範圍應該不會超過一出洞口，較窄的那一個面積。懸崖最靠近洞口的地方(向左上走3／4步)

黃色：所有沙灘

在第二樹屋沙灘，救生艇下方找到。
第一個沙灘：潮退後，較接近沙灘中間 (海岸線突出去的地方)。中部上沙灘，突出黎個度偏左少少，少少好喇．．．
第二個沙灘：左邊位
第三個沙灘：沉船右面

綠色：沼澤內中間上部的小島，左邊看起來有點不一樣的草地上（即有１ｘ圓木）

淺藍色：所有飲水位(包括遺跡飲水位)，在第一樹屋飲水處(灰色地面)
藍色：潛水獲得 (beach 3＆ 4，3個潛水處)

紫色：遺跡裏的烽火臺右下方（兩個烽火臺都有。第一個烽火臺下面中間位)

你指既係咩寶石呢?
做首飾既?
好似唔做都得既…我記得只有一個event係個男仔激親個女既
做左一條首飾畀佢，之後就都冇再做過啦…
我記得沙灘上面只有貝殼，搵既方法係同搵調味料一樣，
就係按ａ而已。
我只有爆過LIB1同2，呢兩個我都冇搵到寶石就爆左，
所以應該係冇問題既～