我有個朋友覺得佢係鍾意我，於是間中打電話俾佢試探下佢，朋友既feedback話幾正面，因為當佢被問及我既野時，有時會好興奮，有時又會好嬲，有時又會慌失失咁……
之但係，後黎我次次見親佢佢都刻意迴避我（雖然都試過有望我，但少左好多，差唔多連我自己都發現唔到果隻）；試過我有野要問佢，佢有時會好快咁答以盡快結束同我之間既對話，又試過未聽完我成條問題就中途斷左我，叫我問過第二個（不過唔知同當時佢身邊有人係咪有關，但佢又的確係勁唔鍾意其他人討論佢）；又試過有人向佢問起我，佢就猛話佢對我無意思，跟住又話係我鍾意佢唔認，但佢對其他人又唔會係咁（佢試過曾經好激動咁同我講佢對我無意思，但之後到我d朋友無再響佢面前提起我，佢自己又主動刻意講起我，強調佢對我無意思）……
更新1:
我自己諗野比較直接，見佢避開我就當佢唔係咁like我； 但我身邊差唔多個個朋友都表示，當佢地面對自己鍾意既人既時候，佢地都會因為怕俾對方知道、怕尷尬而刻意避開對方，甚至做到出晒面好似對對方無意思咁…… 唔知大家點睇and有無咁既經驗？ （如果可以既話，可唔可以分享埋最後既結局係點呀？唔該晒~~）
更新2:
另外，我想問下大家，到底我點樣去分佢係暗戀我，定係討厭我呀？ 同埋希望大家可以教下我應該點做啦！唔該！
更新3:
我今日都有見到佢，不過雙方都扮晒自然咁若無其事（但其實從對方既反應，則好覺大家唔係真係「若無其事」）－－一望到對方就有d緊張，但係又扮晒同望到其他人無乜分別咁…… 佢又唔敢主動接近我，我又唔敢主動接近佢（只係彼此遠處偷望），咁到底我點樣至可以分到佢係好討厭我，定其實係暗戀我呀？ 希望大家可以教下我點做啦！！！！！