倉鼠有關的問題

A.洗籠要將鼠鼠放去第個地方,例如養龜仔既膠缸,之後將籠既木糠掉左佢,再用洗乾淨及抹乾

每日:將鼠鼠排泄物集中地清理一下,整走D排泄物,因為鼠鼠好多時都會集中一兩個地方排泄既,不過初養既時候鼠鼠就未必有呢個習慣,要到鼠鼠熟左個籠之後先會
數天:如果幾日就覺個籠污糟,可以只換木糠OR成個籠清洗
每星期:最少一星期成個籠清洗一次
每個月:每個月OR鼠鼠生病時,可以同成個籠用小動物專用消毒劑消毒一下個籠or用牙膏洗籠都唔錯既

B.放鼠出唻鼠鼠當然會走,所以一定要小心唔好走鼠,唔見左就有排搵,鼠鼠又有機會受傷,又可以搵唔返
我自己就多數一星期先放鼠鼠出唻一次,每次都係幾個字左右,但我用既籠都幾大,有足夠地方俾鼠鼠平日去活動,鼠鼠缺乏運動係唔好既,所以籠要有空間同轉輪,放鼠鼠出唻我習慣係咁既,可以參考一下:
我會將四方桌既一邊貼牆,自己就面對牆,另外兩邊就用盒整高,等鼠鼠走唔到出去,咁樣圍住,籠貼牆邊,籠既門對住我,之後先放鼠鼠出唻
多數我俾d野食鼠鼠,鼠鼠就會拎住,行返入籠放好
咁既方法一來唔易俾鼠鼠走左去,二來可以令鼠鼠習慣有野食就帶返入籠,咁萬一鼠鼠走左去,都有機會執到野食之後返返入去了

放鼠出唻要留意以下事項:
1)放鼠出唻最好係黃昏時候
因為鼠鼠係夜間活動日頭訓覺,多數黃昏開始先較活躍,所以黃昏對鼠鼠唻講較好

2)唔好在鼠鼠訓既時候要鼠鼠出唻玩
刻意去改善鼠鼠既作息,會令鼠鼠辛苦

3)要有足夠既信心先好放鼠鼠出唻
鼠鼠出到籠就一定會想偷走,所以有一定既信心唔會俾鼠鼠走左去,要控制得好好先得,鼠鼠一走左,就有排搵架啦,走左出去又危險

4)做足安全設施
a.如果放鼠鼠在地,要留意唔會有毒藥,地方要衛生,唔會有垃圾,唔係俾鼠鼠食到就大件事
b.如放在桌就要圍好桌邊,唔好俾鼠鼠有機會跳or趺左落地
c.同一地方唔會有野整親鼠鼠
d.同處既位置唔會有貓狗等其他動物

5)時間不要太耐
放出唻太耐會令鼠鼠太累
特別係初次放鼠出唻,最好幾分鐘就算,唔係好易會嚇親鼠鼠,鼠鼠一驚,好易好快咁走左去,受驚又易病

C.你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)俾鼠鼠咬

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既

倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙過長,就一定要搵醫生同鼠鼠剪牙,唔係就好易死架啦

These 網站可以幫到你:
http://hamster.astropeople.net/
http://members.tripod.com/leungpuisze/