✔ 最佳答案
好多地方都有得讀HD, 例如: IVE、hkuspace、理工大學、中大專業進修學院、港專、科大CL3、明愛徐成斌、hkma、國際公開教育協會...
三/四年制高級文憑(e.g. ive、hkuspace、港專、明愛徐成斌、中大專業進修學院)要求會考最少三科合格, 再加中文及英文最少第2級. 二年制(或兼讀制)高級文憑(e.g.: 理大、hkuspace、ive、科大CL3)會要求最少一科高考合格, 或完成文憑課程, 或讀完幾年高級文憑後再申請轉讀, 或年長生, 或以工作經驗加較低學歷申請.
科目方面, 主要分為商業、中醫藥、刑事司法、法律、牙科、理科、酒店、旅遊、企業傳訊工程、圖書館、語文及翻譯、藝術及設計、社會科學及公共行政、IT、應用科學等. 你可以自行到院校網頁尋找各學院提供哪些課程.
無一間大學HD會保證全部學生可以升大學. 如果係咁, 咁做乜咁辛苦讀中六中七? 讀HD其實唔多人可以升讀政府資助的學士課程, 要成績全系最高幾名, 或者/及課外活動活躍, 加面試表現理想先有機會入政府資助的學士課程.
飛仔方面, 其實咩學校一定有, 只不過係多與少的問題. 我試過去理大讀HD, 也許因為理大收生較嚴謹(因為佢最少要1AL合格, 或者IVE幾位成績好既學生過去讀, 或者有幾年工作經驗), 我覺得學習氣紛唔錯, 飛仔真係唔多. 其他院校真的不願置評, 因為我無讀過, 你可以搜尋一下有關資料.
另外, 你所謂「好」的定義是甚麼? 如果沒有一個明確定義, 實在很難說hkspace是好是壞.
截止時間方面, ive以及其他提供三/四年制高級文憑的院校仍未更新申請入學資料. IVE方面, 你可以於3月起到IVE入學網頁查詢. 其他院校方面, 就大約會於放榜前後數天接受申請.
2008-02-22 15:30:01 補充：
於香港就讀的大學學位有分幾種: 政府資助的本地學士學位、自資的的本地學士學位(全日制或兼讀)、本地與外國合辦的學士課程、涵接課程(多數是本港與外國院校合辦). IVE話就話有50.2%學生升讀本地大學, 但本地大學包括第一類及第二類課程. 要入第一類課程係最難. 如果不幸無大學讀就真係要去做野.
2008-02-22 15:31:17 補充：
IVE中五或以上程度課程申請日期: 2月21日-4月12日HKUSPACE入第一類degree同樣都係難 (雖然佢話自己舊年有近50%學生入到UGC Degree). 就業方面, 根據上年的問卷, 41%學生係出去做野. 學院只是你找工作的入場券, 至於請唔請你就好視乎個人質素.有時院校公佈的統計要好小心睇下有無老作. 有D院校為左吸引學生, 乜都做得出.
