很累.....

當然,我諗冇咩人會想身邊d人都帶面具對自己
想有真誠既朋友係正常
但你自己又點樣對人呢..
當我排除你係個d犯眾憎,非常不懂待人處事既個d人先
人由細個到長大,會好正常地有一種自我保護既心態
唔係咩事次次都要同人講
但咁樣唔代表佢唔會係一個真誠既朋友
不坦白唔等如欺騙
忍暪唔代表欺騙
欺騙亦都唔代表唔真誠
人係任何時間場合都有機會俾人說一兩句話
不論好與壞,依樣野好難避免
人成長中就好應該學懂接受各種說話
唔通次次同人噪交同自閉咩
依d就係要睇你EQ
人地點樣對人你冇得改變
你可以改變既就只有你對依d冷言冷語既睇法
同埋你需要係依個社會入面用返一個咩態度對人
真誠雖然係好事 但唔代表有用
虛偽係件壞事 但幫到你自己
依樣野要由你自己去決擇

　　人為了一些利益而掛上虛偽的面具，最終難以接受的並不是其他人，而是自己的良心。遇上這種人，最高層次的做法便是改變他，改不得，退而求其次，不用去特別理會他，一切隨遇而安吧！

　　記謹一點的是，不是自己的問題，長遠而言，失去的只是他的良心而已。

你累是因為你追逐、你强求別人如你所願！試問人一生中又有多少是如意事，太執着只會鑽牛角尖！其實只要做好自己就夠，隨心、隨緣，你所希望遇到的人就會不知不覺出現。上天早有安排，不要急，也急不來！^^

做人本身就係會令人好辛苦,
你咩事都相信人就好容易受傷,
但如果咩都唔信又變成無人可以依賴,
你話你用真誠咁對待身邊o既人,
咁點解佢話你果陣你要扮蠢,
你咁問佢,其實即係迫佢講d野黎回避呢句說話,
你要知道呢個世界每個人都唔一樣,佢做人o既方法,
待人o既方法,說話o既方法都唔同,
你唔可能要求人地個個都同你一樣,
唔通你待人真誠係希望人地比返同樣o既野你?
咁你真係會好辛苦,你要知道,你相信人唔係代表你唔駛去了解人,
相反你想全心咁去相信人你就更加要了解佢地,
否則你根本就完全無為你身邊o既人做任何野,
咁即係迫人呃你,唔好用"你相信身邊o既人"黎做借口,
無人會咩都對人講真話,因為咁樣等同打開自己個心比人睇,
你話咁又邊有可能呢,所以你要了解佢地,知道佢地咩講真,咩講假,
你相信佢地,唔係相信佢地o既說話,而係相信佢地o既人,
但係你唔了解佢地又點相信佢地,
仲有就係人人都有缺點,人地講大話你就話人虛偽,
人地講真話你又話人現實,我覺得你首先要改變你對人o既睇法,
唔係只會越黎越辛苦,但係無論點都好都希望你可以搵到你o既生活方法.

其實我都好認同上面的那位說法
其實每個人都有二面
要面面俱圓其實真的沒有可能
但係首先站拒立場去睇拒點解要踩你
(1.你真係有問題2.不是你的就是他的,可能他要靠踐踏別人而建立自信)
有時被人批評也亦非一定壞事
你是可以從而改進自己

其實我個人認為每一個人也會有一個面具
(可能是為了保護自己)
成人間也總是爾虞我詐
或許你在期待別人的解釋時會覺得自欺欺人
但是你又很想很想去相信他們
又或許會覺得很恐懼他們的虛偽
但是我從來也不會選擇不相信別人
不相信別人最後害苦的也是自己
所以去選擇一些值得你相信的人才去交心
香港是一個很現實的地方
酒肉朋友從來易得
但向來知己難求
一個人要做到完全的真誠也是非常困難
但是消極來說也不會做到完全的虛偽