有無人養d特別d既犬種呀?

特別犬種唔係冇，在香港養係好講主流及客觀與主觀因數的，香港地小人多，主流犬種必然以小型易打理為最理想，而香港時興養狗，都係在二三拾年既事，以前D人窮，兒女又一大班，工資都未夠開支，莽論有多餘物資供養寵物，就算有，亦以實用為出發點，普通家貓為主流，為的是捉鼠，一生都唔會得到寵愛，更勿論為其洗澡清潔，傳統見識都認為貓怕水，係唔可以沖涼既。
狗亦以唐狗為主，一般見識認為單色系便算唐狗，即黑、啡、白色，中等身型，必須能吠，帶兇惡性更佳，當時木屋區多，養狗只為防盜，食既都係冷飯加枱面既餸汁骨頭，狗比貓待遇好D，體味大時會得到洗浴獎賞，一年可能有3、4次洗浴機會既。
長毛而细身既稱之為番狗，假如你拖住一隻狼狗上街，那就得了囉，會引來衆多艷羨目光，人憑狗貴係身分象徵，當時養狼狗者會被人視之為有錢人，係有樓有花園才養得起既，呢種主觀感覺可能係被粵語殘片所誘導卦後期..社會進步，生活有所改善，養寵物才多起來，但普遍飼養知識及狗種亦只限數種如狼狗、大種牧羊、北京、日本的狆，做成主流原因都係在電影裏出現過的，而獸醫及寵物店全港九亦只得三、四家，反而狗場在新界元朗等則多的是往後則以獵犬《潘打》、沙皮、布爹利為主，後兩者都係一D好勇鬥狠之士用作打閗用，而布爹利亦層經被列為危險物種，禁止入口及販售的。
而明星級數既，以飼養大丹、潘打、馬士題乎、狼狗、拳師等大型犬為主，為的是有型有型有款，與衆不同。
都柏文的興起，早在36、7年前憑一部西片《狗大賊》而為人所熟識，但經無良繁犆者，過度交配，有檻交及近親繁犆，令其質素下降，性格不穩情況出現，導致傷人，最有名仍電視藝員李家鼎兩子在玩耍時，被咬致重傷，此新聞一出，令其臭名遠播，眾飼主壓力加重而分分以移民或無閑管理為由而棄養，由於傷人事件，談狗色變，而令整個狗市死寂數年。
從以上所見，以前既人養既都以大型犬為主流，近年養既人會比較理智，面對現實D，順序為西施、摩天使、使納沙、英曲、北京.....
養狗亦有傳染性，好多人以前係唔喜歡或冇興趣既，都係見多左，覺得某個犬種好Q好得意，才盟起飼養念頭，所以才會來來去去都係呢幾種。
而非時興又特別既，其實都唔小，只係地區及出現時間同，感覺上便覺得冇人養別的品種，而我所養既，當初都係與你之想法一樣，要與別同，呢個犬種唔知你有冇見過，有人覺得好肉酸，但亦有好多愛護者。
《拿波里頓犬》樣貌凶惡，實質與世無爭，文靜得有點懶，體重可達二百磅

圖片參考：http://mastinonapoletano.w.interia.pl/foto2/15.jpg

養約瑟爹利la, 我本身都係養約瑟爹利ge, 他們又乖又聽話, 仲好beautiful 添ge!!!!!!!!

um...
你係指hk來來去去都係邊幾種先?
我常見既都係金毛..拉布拉多..小型既就有八哥,,松鼠,西施,北京..etc..

特別d既..我養左10幾年狗
都係養混種狗乍~
有混種八哥同埋唐狗
其實混左種既就係最特別ga喇
因為香港冇人會賣混種狗/唐狗,所以我覺得最特別

不過如果你係指平日較少機會睇到既狗呢..因為較少petshop有得賣~
我就可以舉到幾種ge~~
德國牧羊犬(狼狗)--嚮警署做既會見得多d
馬蓮萊犬--都係嚮警署做既會見得多d
波索犬
阿富汗獵犬
邊界牧羊犬--而家都算常見喇,,因為好多人繁殖..mk既petshop見得最多...依個網既網主就always繁殖ge( http://www.hkbcc.org/ )..依個就係賣狗的網了,佢有兩隻種母會生的( http://www.coolbyfans.net/litters.html )

混種狗吖，一定獨一無二。