海南島自由行

海南島主要分南北兩站, 北站係海口, 南站係三亞, 海口先進D, 係獅子星號停果度, 三亞就落後D, 但係有天崖海角睇, 真係有野貴過香港, 就係導遊同的士司機介紹果D海鮮店, 通常都係向海既, 行番入內街會平七成價錢。
你可以買本新假期週刊, 好多幾百蚊去海南島既酒店連機票套票, 安排哂, 好過你自己逐樣攪, 不過好少去海口。去三亞千祈唔好參加夜遊船河, 黑店嚟既, 有個叫紅藝人既SHOW, 廣告話係俄羅斯人, 去到變哂泰國人妖, 本來都冇乜所謂, 不過我最憎人誤導既。總之唔好信D的士司機推介啦, 佢哋想謙佣實話好玩架。
不過呢段時間海南島好凍, 我十二月去都已經凍, 連水上活動都冇得玩, 唯一節目最多入內街食下海鮮, 都係留番夏天去著數D, 不過如果你唔怕凍可以去玩水上單車, 快艇拉降傘之類既活動。

2008-02-20 13:57:20 補充：
不過復活節去一定貴, 周圍都已經加哂價。