怎樣使用信用卡???及一些字眼的意思?

信用Card係可以去一d接受信用card付款的商鋪買東西[[[通常門口都貼有Visa/Master /AE....等的Label.
當你用左信用卡找數後,過了張卡的結算日後,銀行就會寄張月結單俾你,單內會列明該期你曾用過的所有簽賬[銀碼/日期及商店名].重會有總結欠和最低還款額.等及到期繳款日.你必須在到期日前選擇一筆過清還全數或選擇只還最低還款額.
注意就係如果到期日前清數係唔須俾息的,如果你只還部份或是最低還款額,咁餘數就會開始計息,如果過左到期日之後才入數,就會收你手續費[多少就間間銀行,張張卡都唔同].另外就係同你用信用卡買野一樣要計息的.
存錢入張卡到???通常都唔會有人咁做,不過我本人試過,因為係同一個月同一張單,入左兩次數,跟往下個月張單就會有筆入多了的數係度.你可以用黎簽卡買野用左去,不過應該唔好gum機gum出黎,因為呢個係信用卡戶口,每次gum機都要收手續費的,就算d錢係你存入去都要收的.你當然可以用存入的錢去消費換績分啦,不造過既然你有錢存入去,點解唔用卡內的信用額去消費換分呢?起碼多左30日免息還款期嘛,

現金透支就係指你用張卡去櫃員機到gum錢,每張卡的發卡銀行都會給你一個password,你可以用呢個Password去將你卡內的可用信用額提取現金,發卡銀行每次會收手續費.大概係每次每一千收$50,透支金額不足一千各亦作一千計.
上術方法都算套現的一種,另外就是用信用卡去代朋友買東西或埋單,然後向朋友收回代付的金額,通常呢d都叫套現.
還債當然唔好用信用卡套現啦,信用卡d息係好高的,15000不如同家人商量啦,唔得就去銀行睇下邊d貸款計劃o岩你,利息方面每間銀行同埋每隻計劃都唔同,又要睇埋你分幾多期還,所以都係自已親自去問多幾間,自已又可以知多d,不過點都好過用卡去還,以前睇報紙都見唔少,卡com卡,越滾越大,最後爆煲,要破產.