儲蓄基金邊間好

月供基金可以到基金公司, 銀行同保險公司。基金公司和銀行會要求1,000元一隻基金, 沒有年期限制；不過, 有個別公司, 如你在短時間內停供, 可能要收一點罸款。保險公司的投資計劃不同, 最少月供usd500, 但可以選十隻基金, 而且有廿多個月的必供期, 而你只可以在計劃完結時，把所有基金賣掉。
其實, 基金是資產管理公司(即基金公司)的產品, 你可直接跟基金公司做月供, 除此, 你也可以經中介人買, 而銀行同保險公司都只係中介人, 不過銀行係有只做中介服務, 收的是一次性的認購費(1% - 5.5%), 保險公司多不收一次性的認購費, 反而會收年繳的計劃費(1%保險成份加1%計劃管理費等)，保險公司因為係主力做保險, 所以一定要經保單進行投資。
而保險公司的基金投資計劃是保單相連投資, 為保障計劃的佣金, 所以一定要有年期限制。不過就算無年期限制, 保險公司做的是保險生意, 經它買基金, 一定要用保險包装投資, 所以要你買一個小额保險, 過河濕腳, 有什麼理由會更好? 理財顧問是收佣為生, 有時間找新客是不是較照顧一個已經買了被年期綁住的投資計劃的舊客好?所以, 買基金就直接買, 千萬不要買投資計劃。
買股票就等如自己買肉買菜煮飯, 最平, 但花時間；買基金是出街吃, 貴一點但有人服務你, 這家不好, 下次可以去另外一家；買基金月供投資計劃, 是每月買某飲食集團的餐券, 為什麼你要付更多的錢而得到更少的選擇？投資和保險連在一起的計劃, 不但收費貴, 也一定沒有跟進服務, 為什麼? 因為是保單的關係, 保險公司第一年已會付給經記全部的佣金 (聽說有你第一年保費的50%), 所以如你退保, 你也要付全部費用, 所以經記會花時間找更多的客, 結果可想而知。
如果經基金公司買, 你要在基金公司開户, 最低投資因基金而異, 最低可以是hkd1,000. 好處是基金公司會給你基金年報, 從中你可以查看基金投資了什麼, 還有基金經理對市場分析. 壞處是你只可以做同基金公司的基金轉換, 但基金公司大都長於某類基金, 可能選擇不多。另外有些基金公司為了省掉處理客戶客戶根本不接受開戶, 例如有金手指之稱的惠理, 安本也是一樣。
經銀行買的好處是可以用一個戶口買多個基金公司的產品, 那便可以選市場上最好的印度股票基金跟中國股票基金, 而不需在兩間基金公司開戶. 也可以有網上買賣 (hsbc, icbc, hang seng, etc)。有網友說icbc 的服務很好, 如果你要多點服務, 可以考慮。
至於經保險公司做投資是最笨的選擇, 詳情請看想投資基金，唔知個plan有冇搵笨！？急:財庫之選
如果你真係好想有人話你知買乜, 去銀行問又得, 問獨立的理財顧問又得, 千萬不要問保險公司的理財顧問, 他們只是保險經記, 只會SELL你自己保險公司的投資計劃.
記住, 投資的第一規條是投資要用閑錢, 所以投資不應有任何的年期限制.
巴菲特給年青人的見意有講:
有錢人不做儲蓄或退休計劃, 因為叫你買這計劃, 說到期會有一定回報的人, 首先他們已在你身上取得可觀的回報了。

2008-02-21 14:48:44 補充：
唔好所以為只是aia的計劃特別差, 所有保險公司賣的計劃都一樣, 有網友就說過, 用保險儲蓄, 等於用漏水既水桶儲水。

你先要知道保險公司賣緊邊類形的基金，合約條款如何，同埋銀行又賣緊d乜野基金，比較一下，睇下邊種基金合你多d。
月供基金分兩種

1 有保險成份（保險公司同銀行都有得賣）
有合約期，一般長達15年或以上。供了頭18-24個月後，可申請暫停供款一次，為期約2年，之後要繼續供完份合約（即15年或以上）。如在合約期內cut 單，保險公司會收足全期（即15年或以上）的行政費，管理費等所有費用。呢類單一樣可以勁蝕。
另外銀行亦推出了為期3年的單，但如果你起第一年斷供，基本上係攞唔番d錢。
新手好多時係唔知買邊隻基金好（基金組合超多，多到你唔信，去銀行問下你就明），但保險公司提供的選擇唔算多，兼且要供足全期，中途有經濟困難供唔到，又或者真係好想攞番d錢出嚟都好麻煩，會比保險公司扣左好多錢。

2 純基金（只銀行有得賣）
冇合約，冇年期限制。但個別基金會要求客人最少供6個月先cut 單或轉供其他基金。因為每次賣出基金要最少要2萬港元，所以供兩期唔供係賣唔出，一定要等到基金升值到過2萬港元先賣得出。如果戶口冇基金，係唔收費用。即係話如果你係新手，想試下買基金，買純基金的好處是，如果買錯左，最多咩張買左的基金留起基金戶口，唔再供落去，等佢自己升值到可以放得的時候放番出去，賣左之後，戶口冇基金，就唔駛再比管理費等費用。真係靈活好多。只要隻基金唔係蝕到一毫子都冇，d錢都係你既，唔會比人無端端扣左。

基金的組合有好多，主要是股票，債券，外匯同現金。而投資市場有地區性，個別國家等。唔同比例的組合風險會好唔同。同一類型的組合都會有好幾間基金公司 (fund house) 營運，佢地的表現都可以好唔同。每間基金公司都會定期有報告出，你可以上銀行的網站下載，或直接去銀行問下基金買賣的情況，同埋叫佢地print d 唔同基金公司的滙報比你睇，上面有好多資料，包括收費，業積回報，投資分佈等，睇多d，知多d。

建議︰只可以買純基金！買前要衡量自己可承擔風險的情度。