AIA 財庫之選有無問題

你好 我本人係AIA 既FP 你以上既問題 我可以好肯定咁回答你 給你參考

1) 呢個計劃係有11-30年選擇 分A同B戶口
A戶口係頭26-34個月 (最初供款期)係一定要供款 , B戶口係過左A戶口之後 可以靈活供款唔一定要供到尾
2) 呢度個AGENT係有少少誤導緊你 3年後即係岩岩過左A戶口 而A戶口既錢係整個計劃中係唔可以拎任何錢出黎除非取消計劃 呢一點 每一間公司計劃大致上係一樣
3)正確 可以在B戶口時停供 都取消計劃就要罰收餘下釵司應收未收既手續費
好似銀行定期咁未到期拎錢都要罰息同比手續費
4)本計劃係100%純投資1分保險費用都唔會收取 只係計劃年期入面受保人有咩事去世公司會送多1%戶口價值出黎 而唔收錢

希望可以解答到你

2008-02-22 12:02:40 補充：
其實每間公司個計劃框架大致一樣 覺得唔好 只係因為計劃本身貼合唔到自己既需要每個計劃都係靠AGENT為客人選擇

2008-02-22 12:40:16 補充：
１,2）其實A同B戶口只係方便去解釋返個計劃 正確唔係咁叫既 而2個戶口都係一定會有, A戶口係一個一定要供款同唔可以o係呢個戶口提錢出黎 過左26-34個月之後供既錢會入左去B戶口 而B戶口係可以拎錢出黎用 每次最少拎600USD 同最少有1500USD結餘係b戶口

2008-02-22 12:40:29 補充：
3)其實每個人都想 有個計劃可以供款,拎錢出黎又彈性d 時期又唔洗咁長 又可以賺好多錢但係邊有d咁既計劃? 保險公司同銀行係都係商業機構 佢地都要搵錢 佢地設計每一個計劃背後都係為左賺錢 唔係樣樣野都咁如意既 而呢個計劃既原意係可以比到我地以平均成本法去 安全同平穩地賺取一個長期既資本增值 減低損失既風險。

我本身係2003年傻下傻下買了AIA 財庫之選的受害者, 可以肯定答到你的問題
1. 可以在必需供款期後申請保費假期, 咁就唔哂供到尾。不過, 保險公司好似當買了單的客人係債仔, 月月會寄信提你供款。
2. 供3年後就可以拿賺到的錢出來用。 計劃要求有足夠價值支付計劃保費, 才可以提款。我的經驗, 計劃保費好高, 你不要想拿錢。如果拿鏘出來, 基金趺一趺, 價值可能不足支付計劃保費, 費到時又要供過。
3. 如果中途取消計劃，大慨都無幾多可以取回, 因為要繳付所有未來的手續費，而只可取回餘下的錢，我在必需供款期後問過, 最後也只能申請保費假期算罷。
4. 保險公司的基金投資計劃就是保單相連投資, 為保障計劃的佣金, 所以一定要有年期限制。不過就算無年期限制, 保險公司做的是保險生意, 經它買基金, 一定要用保險包装投資, 所以要你買一個小额保險, 過河濕腳, 有什麼理由會更好? 理財顧問是收佣為生, 有時間找新客是不是較照顧一個已經買了被年期綁住的投資計劃的舊客好?所以, 買基金就直接買, 千萬不要買投資計劃。
我由2003年11月開始月供美元500(約港元4,000)，到2004年11月已被收取了美元476.84(約港元4,499)，約9.4%收費，遠高於5%基金認購費。而且白痴的AIA就算同一基金公司的基金轉換，也要最少5個工作天；至於轉換通知更要一個月後才收到；更不要說, 那些收費計算很混脹, 是怎麼也算不出來 。我曾用AIA保險公司儲蓄計劃和直接買同一隻基金，一年回報相差1/3，絕對不合理。

你仲可以參考其他人既意見
http://hk.knowledge. yahoo.com/question/? qid=7006082605594
http://financial.3fo rum.hk/viewthread.ph p?tid=358&extra= page%3D1
http://financial.3fo rum.hk/viewthread.ph p?tid=247&extra= page%3D1
http://hk.knowledge. yahoo.com/question/? qid=7006082605594
http://hk.knowledge. yahoo.com/question/? qid=7006100500791

其實有年期限制既投資計劃，經記得到既佣會好好 (好似話你首年供款的50%), 所以佢地sell 到天上有, 地下無。

逐個問題答。你講的是投資相連保單，行內俗稱 101 單。
1 個計劃有11年、20年同30年之分，我想知道是否每種計劃我都要一定要供到尾？
有合約，理論上要供到尾，但你中途斷供當然可以，不過佢地會收足你全期（11年, 20年或30年，視乎合約所定的年期）的所有費用，如果你供的時間短，或者隻基金表現唔好，唔夠冚條數，你要補番錢比保險公司。
2 個 agent 講話只需供3年，3年後就可以拿賺到的錢出來用。是否正確？有無條件或手續費要收？
應該係你要供頭3年，供滿頭3年後，可以申請暫停供款1次，為期約2年 （行內稱premium holiday），之後要繼續供到尾。3 年後可唔可以拿賺到的錢出來？睇怕唔得。因為基金是計單位的 (unit)，買賣都係unit計，要賣即係贖回基金，你睇清楚d條款先。
如果你一邊賣基金，一邊供（買）基金，保險公司同基金公司都會收手續費，一出一入，你蝕硬，勁蝕，手續費同差價都蝕死你。
3 如果我中途停供或取消計劃，我可以取回多少？
視乎你供了多久，同當時基金的表現，扣了所有費用後，就係你可取回的錢。
我是否需要繳付所有未來的手續費，而只可取回餘下的錢？e.g. 假設我選擇供20年，供到5年我唔供，取消計劃，咁我是不是要比埋餘下15年未供的所有手續費用，剩下的才是我可取回的款項？
是。全對。
4 個計劃有無保險費用要收？我只打算做投資，無打算買保險
個計劃只有1%係保險，個保費係保險公司送的，唔係保障你，係保障保險公司，當你大吉之後，保險會同你繼續供落去，即係保險公司一定有錢收。點解保險公司會送個保障出嚟？自己想拉，生意人都肯送野比你一定有原困。

其實呢類單買唔過，因為有合約年期，唔靈活，而且收費好高，你仔細逐樣加一加就知道，而且佢地只會話有好回報，但呢d始終都係投資，股市升，佢未必升，股市跌，佢一定跌。你試想想，你可唔可以肯定到起10-30年內一定期期有錢供，而且起呢幾十年內都唔駛用到呢筆錢？最大問題係斷供要交足全期所有費用。你去銀行買純基金都係有基金起手先要比管理費，賣左就唔駛比，邊度會簽合約話比足10-30年錢人地賺，佢做得唔好你都轉唔到拉。

你個agent 咁落力，因為呢類的回佣超高，高到你唔信。佢的回佣邊個比，咩你羅，你張單比。

記住唔好齋聽agent 講，要睇文件，通常對你不利的條款，會用細字體，淺色印起d好唔起眼的地方。同埋份合約 (policy) 正本，英文個份，會比agent 賣單時個份書仔詳細好多。如果你真係同agent 買，一定要一字不漏的睇晒成份書仔，同埋keep 好佢，但係一切以policy 為準，即係收到合約正本後，一定要仔細再看清楚合約內的條款。

如要投資基金，去銀行月供純基金。你要知兩種基金的分別，再發問，好多網友都幫到你。

呢個計劃有冇問題，我不便作評論。但它被無數客人投訴過、壹周刊都跟進過幾次
你可以參考以下wed sites:
http://www.xfunz.com/search.php?searchid=29&orderby=lastpost&ascdesc=desc&searchsubmit=yes

http://failforum.net/forum/viewthread.php?tid=452556

我想針對你第三個問題

''如果我中途停供或取消計劃，我可以取回多少？我是否需要繳付所有未來的手續費，而只可取回餘下的錢？e.g. 假設我選擇供20年，供到5年我唔供，取消計劃，咁我是不是要比埋餘下15年未供的所有手續費用，剩下的才是我可取回的款項？''

這個的確是真實，而且會好影響客人的靈活性及回報....

p.s. 你個agent 當然好極力推薦你去買這個plan la 而且有咁長得咁長，因為佢可以earn 多d 佣丫ma。但佢有冇考慮你真正的需要?? 有冇客觀咁分析比你知呢個plan 的好處及壞處?

多多考慮la~
如果你需要更多其他公司又或者市場資訊都可以聯絡我~

我並沒有看過長細說明, 但根據你的資料估計是一個投資相連壽險計劃.

1.) 所有有時間限制既計劃大多數都會有早提取罰款等條款(或早提款限制等). 如果有關計劃的保險成份較高,其限制可能會更大..
2.) 3年後就可以拿(賺到)的錢出來用。應該是正確. 因沒有影響其原有的本金, 但如果拿取本金部份就應該有限制; 而如果沒有賺到錢或賺的錢不多,拿來都沒用.
3.) 如果選擇年期較長既計劃提早取消所得會較少, 年期較短的一般會取得較多. (當然基金的價格很重要.) 如15年計劃5年取消所得一般會比10年後取消所得的少. (但如果在5年時基金價格升300%,而10是下跌50%就另議.)
4.) 如計劃是資相連壽險計劃就一定有保險成份, 有保險成份就當然要付保費啦! ^^

我是 M公司的財務顧問, 希望可以幫助你了解.