我隻倉鼠係咪有左?

A.未必係有左既,新買鼠咬人都好正常,而鼠鼠好喜歡迫既地方,所以成日搵野圍住自己,加上天氣又凍呢,新買既鼠特然肥有以下可能:

1)如果兩隻一齊住,出現一大一細既情況,其實已經意味住有肥既蝦隻細既危機
倉鼠本來就係獨居動物,細隻既時候可以冇咩事,但慢慢大個就好易會打交,特別係唔同品種,仲要一大一細,真係分分鐘一打就死.鼠鼠半夜活動既多,佢地打交未必咁易發覺,到佢地大個,忽然打得犀利先處理就太遲了
其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
a)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
b)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
c)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
d) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
e)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2)如果係唔同性別,就有可能係懷孕,又或在鼠店已懷孕都唔奇
倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯,懷孕既特徵有以下幾點,但的確唔易肯定:
a)鼠媽媽個肚會忽然大左少少,但食得太多野都會肥.
b)乳頭會較為明顯
c)心情煩躁,但兩隻鼠一齊,好多時會有打交既情況,所以冇bb都會咁,所以難分
如果真係懷疑佢懷孕,可以留意返以下我回答既知識,睇下點去處理:
http://hk.knowledge.yahoo.com/question/?qid=7008012903048

3)身體突肥,都有可能係因為內臟有腫瘤
留意多d鼠鼠有冇精神,會唔會冇咩胃口同成日訓,排泄物有冇異常,但內臟腫瘤多數好嚴重先發現,所以一定要細心D觀察同留意多D,有問題就要盡快處理

4)因鼠店既鼠都係十分年幼,好多時買返唻冇耐會發現鼠鼠大得好快,因為鼠鼠剛開始成熟

B.如果你太心急同鼠鼠熟,鼠鼠會更易怕你,唔好太急要鼠鼠同你玩,鼠鼠受驚你有機會誘發甩毛肚瀉等疾病,所以唔好太急呢

養既頭兩日其實最好唔好打擾鼠鼠,養耐左都同鼠鼠唔熟,都可以試下俾鼠鼠靜兩日再同鼠鼠熟返:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

鼠鼠咬人既其他原因可參考以下我回答既知識:
http://hk.knowledge.yahoo.com/question/?qid=7008011003084

應該係有左~你帶佢去see see醫生la...

如果係有左,,,,唔好比佢同佢BB一齊住,,,佢會食左BB架,,,,

no!! 是不是你比太多野食佢?? 可能倉鼠大左會唔識人,咬你

有可能係= =

倉鼠多數日頭訓覺，夜晚先出黎玩架wor~我以前養隻倉鼠係咁既~

我諗應該有

可能係。但係我睇:可以係天氣太冷。