利是一問.............
2008-02-19 10:16 pm
大家都知結左婚需要比利是丫(通常是2封)，咁因為已婚。但我認為如果離左婚就應該唔需要比啦，但好多人都會照比，只係比一封，但離婚後就代表回復單身的身份，等於沒有結婚，咁正常係咪唔應該再比先?有無人可以回應下意見。
回答 (6)
2008-02-19 10:22 pm
✔ 最佳答案
本身我覺得你講得好啱,但係人因為面子既問題,所以派開會繼續派了,但係已經離婚,所以派單封!!2008-02-22 12:39:01 補充：
而且若果我有咁不幸既遭遇(離婚), 而之前曾派過利是的話, 我都會派單封利是!! 所以雖然覺得你講得啱, 正常係唔應該再比利是, 但係通常後輩收過你利是之後, 佢地都會預期到繼續收到你封利是, 兼且離婚又唔係咩光彩既事, 通常都唔會周圍講, 而派單封利是正好係通知其他人自己離左婚既方法!!
2008-02-20 2:07 am
新年"派利是"只不過是習俗，你又何必太介意是結婚人士/離婚人士，沒有文明規定結了婚的是派一封/兩封.......咁老板又要派幾多封?
其實那只是心意，好好享受與親友相聚的時刻才最重要，不要為小事而計算。
祝生活愉快!
其實那只是心意，好好享受與親友相聚的時刻才最重要，不要為小事而計算。
祝生活愉快!
參考: 個人感受
2008-02-19 10:40 pm
一般來說, 已離婚可以唔需要派利是 (因為已是單身人士.)
但係如果自己本身有小朋友, 又要去親戚拜年, 咁新年咪可以派單封. (最緊要係經濟許可.)
其實, 現在這個社會, 已沒有什麼常規限制.
有些不是離婚的單身人士都會在新年派利是. (新年都係想開心及取其好意頭, 咪會派利是.)
仲有, 有些已結婚的人都會側側膊唔派利是.
無論如何, 最緊要自己開心 同 經濟許可是最重要.
但係如果自己本身有小朋友, 又要去親戚拜年, 咁新年咪可以派單封. (最緊要係經濟許可.)
其實, 現在這個社會, 已沒有什麼常規限制.
有些不是離婚的單身人士都會在新年派利是. (新年都係想開心及取其好意頭, 咪會派利是.)
仲有, 有些已結婚的人都會側側膊唔派利是.
無論如何, 最緊要自己開心 同 經濟許可是最重要.
2008-02-19 10:33 pm
我覺得派利是呢D嘢, 唔係老奉要派既, 就算兩公婆都有權唔派, 吹咩? 我家姐單身但係都年年派, 因為佢覺得自己輩份大, 又唔好意思齋收利是, 總之自己覺得舒服就得。至於離咗婚照計就應該派既, 結過婚就係結過婚, 冇得番轉頭, 而且咁做係要向你既後輩親人交代你既近況, 不過如果你認為冇必要向佢哋交代可以唔派, 冇人會拉你上差館既, 唔使理人點睇。我本人就覺得派利是係開心既, 係對人既一個祝福, 有福氣既人先至祝福到人嘛, 就算係硬嘢都好, D人嫌少係佢地小器, 唔配接受祝福, 總之祝福人果個一定得福。謝謝!
2008-02-19 10:25 pm
我是已婚人事,其實如果離左婚基本上我都同意應該無須要俾利是,不過一年一度過新年,咪大家開心下囉,無咩所謂啦朋友
收錄日期: 2021-04-13 15:10:15
原文連結 [永久失效]:
https://hk.answers.yahoo.com/question/index?qid=20080219000051KK01114