如果死氣喉 噴出好大陣電油味

樓上位師兄牛牛，你都抄得幾足喎！你知唔知我呢篇嘢連寫帶諗用咗3個幾鐘時間 (因我用手寫板)，你一個唔該都無同我 copy 過嚟改頭換面就做咗你的答案，我答咗都唔夠十日，你就抄咗我個答案，有無離譜d呀！

大家可以去 Yahoo 知識「車燒偈油」一問題中睇睇：
http://hk.knowledge.yahoo.com/question/?qid=7008020503679


言歸正傳，你o架車噴出好大陣電油味同D油好快無，原因係電油未完全燃燒，你試吓 check 吓火咀或更換火咀，如果都唔得o既就搵人調校火位，應該可以解決問題。

死氣喉有白蒸氣，原因係近日天氣凍及乾燥，空氣在氣缸被壓縮後便會產生水 (因空氣內有水份)，水遇熱蒸發，在死氣喉排出，有時死氣喉還會有水滴出，這是正常的現象，只要白煙不是燒偈油所引致便沒有問題，你可經常留意偈油有沒有過份減少，少量減少是正常的 (如行了幾千公里便沒有少量偈油)，如不是大食偈油便沒有問題，你可放心。

如果你裝了 N 組死氣喉 (即直出死氣喉)，就可以買一個滅聲咀加在死氣喉的出氣咀內，不過就無咁好睇，但有個優點，就是能增加引擎的回壓，令低轉的扭力更佳，起步更快，你可試吓去專做死氣喉的舖頭問吓，火炭及新蒲崗都有，希望幫到你。

你要自已做幾樣o野先。

第一 :　check o左個風隔先，因風隔太污糟會導致偈油由(曲軸箱正壓通風裝置)啜入生氣Pipe內燃燒，咁會有好多白煙噴出。
第二 :　睇下個引擎周圍有沒有油漬，尤其是引擎底下，因為有可能燒爭口，引致水溝油，再經燃燒室出死氣喉，咁就會大白煙加有電油味嘞。
第三 :　等引擎完全凍哂，打開個水箱(不是膠o個個士啤水箱，而是在車頭最前的黑色那個水箱)，看看有沒有水溝油。
第四 :　去車房做引擎壓縮試驗，看看活塞是否油環欠佳，引致偈油上盤。
第五 :　在未找出原因前，睇緊D偈油有冇過小，如沒偈油要加至一半或以上。
如果以上都check過都沒有問題，而你又做過引擎壓縮試驗得出良好結果，證明了活塞的氣環工作良好，但有可能係活塞的油環欠佳，引致偈油上盤，最好的是找一個年份新和行車里數小的二手引擎更換，因為大修引擎有很多東西要換，如所有氣環、油環、o爭口、杯士、啤令、油尖、嘩佬濕油尖等等，仲未計其他如磨嘩佬等，人工和材料將會很貴，所以找一個二手車頭更換是最化算的做法，如果想暫時解決食偈油，你可以去買ER這隻偈油添加劑(要買大支的)，倒1支落引擎(不要依照說明書指示)，再加至滿偈油(即最上o個點)應該可以暫時解決食偈油問題，(下次更換偈油都要加1支)但是這方法只是治標不治本的方法，所以都係o個句:找一個二手車頭更換是最化算及直接的做法。

是的，那表示電油還未完全消盡就被噴出來，原因有很多，就大機會是火咀電力不夠或氣缸開合不協調所致；而出白煙，則通常是因為漏機油，這與你的死氣喉無關，應去車房作引擎檢查。
一般的車房都有出售死氣喉，你可叫他們幫你改裝，但改裝之前要問過你的保險經紀，這一改動會否影響如日後出禍的賠償問題。