男仔會被動嗎?

呢個唔係是否男仔被動的問題,係你自己究竟想點先?
你都說對方曾經問過做佢女朋友好唔好,但當時你點答人地呢?
如果你無反應,人地又唔知你想點,咁只好keep住先啦,因為人地唔敢再表示怕嚇走你連朋友都無得做噃!
如果你希望大可以發展更進一步,一定要有d表示,等人地知道你接受佢,咁佢至敢再有明確的表現呀!
既然你地有聯絡,你可以借意問佢有無女朋友呀? 得閒有無拍拖呀? 呢d問題等佢有機會問你做佢女朋友好唔好啦!
或者講自己好悶,放假都無節目又無拖拍,都唔知做乜好! 你咁講法唔通佢都仲唔識點做咩?

其實佢都唔算被動嫁喇!
有D男仔真係會怕羞到就算愛到個(冇男朋友既)女仔要死
都唔會夠膽同佢表白嫁
我相信佢唔係有心想不了了之既
只係可能佢覺得妳冇咩反影咁即係拒絕左佢
咁佢就唔敢再重提想同妳拍拖喇
呢種男仔其實要俾自己極大既勇氣先表白到俾妳聽嫁
我自己都係呢類形既男仔所以我好清楚果種感受....
不過如果妳係鐘意個男仔既而又唔想自己出聲
都有辦法可以令佢表白多一次既
妳特登對佢好D關心佢多D叫佢同妳一齊去呢度買野呀等等
佢好快就會受唔住妳會變得好鐘意妳
再鼓勵下佢等佢有D自信同令佢覺得妳同佢係有機會
咁妳就可以坐定定咩都唔洗做聽佢講心底話同妳表白多一次
咁妳就唔好再唔理佢啦(如果唔係佢會當妳俾佢食檸檬)
當然妳都要諗清楚自己係咪鐘意個男仔啦
妳可以叫佢俾D時間諗清楚妳自己既感覺先
呢種男仔應該會好肯花時間等妳的