好驚 ~ 我懷疑自己有腸癌

你個情況同我一模一樣, 我飲好多水, 吃好多水果, 甚至餐餐只係食菜, 唔食肉, 都冇效. 我好樂意同你分享一下.
首先, 你唔好咁快就擔心自已有腸癌, 要保持心境開朗先至解決到問題架 ! 其實你只係便秘. 我自己有幾年長期便秘的經驗, 我每幾個月就去廣華醫院腸胃專科覆診, 醫生開d藥好似作用唔大, 一段時間又屙唔出, 5-6天才有便意, 但大便好乾好硬, 成粒狀, 好辛苦. 我已經做過檢查, 例如驗血, 腸鏡檢查, 都沒有事.
不過, 自從2007年春天開始, 我生活習慣有小小改變, 我早晚有做運動, 我用步行方式,早上步行45分鐘左右, 傍晚又步行45分鐘左右, , 做左第一個星期, 大便冇粒狀, 之後持續到依家, 我已經沒有便秘煩惱啦, 通常日日都有大便, 好容易排出.
你話你做左野後大便變得不正常, 你梗係日日坐係office, 沒有足夠運動, d腸咪臑勳得慢, d食物渣滓長時間留在腸內, 水份不斷被腸吸收, 梗係會變得更硬啦, 所以, 我肯定你真係沒有足夠運動, 我建議你日日抽 d時間(最好早晚各30-60分鐘)做運動, 我包保你一定有改善.
如果你想去做檢查, 我建議你先去廣華醫院看普通門診, 如果醫生覺得有需要, 才會轉介去專科, 腸鏡檢查係免費架, 不過你要住一晚醫院, 每日住院費用100元 + 入院登記費50元.
你先聽取我的意見才決定下一步啦 !

咁又未到腸癌 ..你只不過係比較嚴重既便秘..
你可以用蘆薈汁調..幾日之後你就會見到好大變化..
因為我以前都係有便秘問題..去睇e生都係比一d
泄藥我食,,過幾日又便秘返..依家用蘆薈汁就冇呢個情況
如果你想了解多d呢個問題,,你可以直接contact我..
92726215..zoe ho

大便唔不正常唔關做唔做左野噢，我認為你唔係有腸癌，只是便秘。腸癌的發病多數在５０歲或之後。食水果＋做運動可幫助腸蠕動，不過先看醫生攞Ｄ通便藥。
腸癌的初查可作大便隱血測試（stool occult blood test），同醫生講兼留大便就可，不過若肛門損咗Ｄ血會影響測試的準確性。價不貴～＄２００