養黑摩利的問題想請教(20點)

1.水黃可能係硝化系統未建立好或者受到破壞，換水正常係每星期換三分一左右，以減低缸內氨毒的含量，唔係話用黎改善水色GA，要改善就要建立良好的硝化菌落，以及配合使用活性碳就得。~~~而用黎換落魚缸的水就應該係用曝過氣的舊水，唔好直接落水喉水呀，咁就乜鬼除氯劑都唔駛用，呢Ｄ野只係好緊急要換水時又冇舊水時用。
2.水質有問題，最大可能一係PH值（酸鹼度）過低，令佢地燒尾；二就係水內霉菌滋生，魚仔們已經受感染，由最弱的鰭邊開始被侵蝕。
3.同4. 唔駛講，水質管理不善，令到寄生蟲大量繁殖，馬上撈走駛Ｄ魚去第二個缸度養住先，再落黃粉治療。然後掉走哂而家Ｄ底砂，再將魚缸、過濾、缸內裝飾物徹底清洗消毒。
5.唔關事，你水質之前已經出左問題，唔餵都大把寄生蟲...
6.我建議你暫時都係用裸缸養穩陣D...
7.豐年蝦幼體、豐年蝦卵、熟蛋黃(要少量咁落，避免壞水)、專用的微粒魚糧都得...快大???一日餵兩次已經好足夠，記住欲速不達。

2008-02-23 22:28:14 補充：
2. 即係一種將氨同NO2等有毒物質轉化為毒性低的NO3的細菌，去水族店一定有得賣，但前題係你要有適當的過濾器材，例如玻璃或陶瓷環（生物環）去養菌。
3.又係去水族店，有粉狀的魚糧，專俾小型魚或幼魚食用GE，如果要自己磨細，可以試用片狀魚糧，餵食時自行用手指搓碎佢就得，咁即使幼魚唔唔可以一口番下，亦都可以啄下啄下咁食。

不如簡單d 既然你都發現個缸有蟲同有菌，切底d 一次過換晒d水同掉晒d沙，如果可以的話換埋個泵，因為入面都會有菌，好難洗得淨。
你準備三個缸仔，將bb魚同二條大魚分開養先，減底傳染。
你可以將d水喉水裝起放過夜，第二日至換水，咁就唔洗搞甘多除氯氣之類的工作，唔洗擔心落得多得滯。
至於你兩條魚爛魚，可以去舖頭買藥，你形容下d售貨員會介紹比你，廿蚊左右就啱。如果驚落藥唔識控制，可以浸住鹽水試試，未病重前都有效。
魚撞魚係遊戲黎啫唔洗擔心
另外我估你個濾水器唔係好得，過濾得好的話水唔會甘黃。同時唔好用紅蟲或者蝦，用魚糧d水易處理d，加上你個濾水器..........。食魚糧d魚都一樣可以好靚。
我都係好懶，盡量將d設備簡單d，會易打理，d魚都長命d。

我對養魚都幾有心得ga~

1:係,換三分一,但係...落10除氯氣,會唔會多左d呢?

2:你話d魚一條一條魚爛尾,係因為有好多細菌響你個魚缸.因為有細菌會引起爛尾...如果唔落藥,尾巴會慢慢爛,跟住死亡.可以點做係買藥,去d魚店買,好平,十幾蚊有交易,魚係唔會因為其他魚咬條尾.....而爛左...

3:個d一定係蟲仔.我個魚缸都試過有,你要洗魚缸,洗下d沙,石.....

4:同第三條,一樣答案

5:可能啦~

6:養魚唔一定落沙,我d魚都無落沙....都幾開心?!同埋唔落會比較容易d洗魚缸

7:你講緊WHICH KIND OF bb魚先?如果係黑摩利, d bb魚要一年以上先有媽咪大