因為5努力.希望你地可以比d意見我!!thx

會唔會成功就睇你自己想唔想成功囉. 以前你唔想, 梗係唔成功啦.
以前你唔想, 而家又點解想呢? 推動力係咩? 覺得識得野比人地少? 搵工比人地蝕底? 覺得自己浪費左時間?... 將呢d理由寫低, 貼係床頭/收係銀包, 成日提醒自己, 你就會比心機, 你就一定會成功.
如果你將自己同今年應該讀緊中二既人比較, 你估你係好過定差過佢地吖? 你年紀比佢地大小小, 個人成熟小小, 讀多兩年音樂, 明白讀書既作用, 想讀好d書.... 你比同你一齊升上中三既人成長左, 冇理由會輸比佢地喎!
老實講, 中三仲係基礎階段, 必讀既中英數之外未需要點選科, 而家專心讀好各科, 高中再諗選科都唔遲. 讀文化好唔好, 就睇你既才能傾向同個人既理想. 在下相信, 你想讀得好, 就儘可能揀一d喜愛既科目. 你係鍾意既, 做功課感到樂趣和滿足, 就唔介意花時間心機, 自然就讀得好.
你仲後生, 大把前途, 要努力把握啊!

2008-02-19 02:54:36 補充：
已經17歲了? 只不過17歲咋! 浪費左既時間唔好諗啦, 前面仲有大把前途, 就睇你啦!