✔ 最佳答案
貓貓做過手術之後,確實係有需要長時間戴上頭罩的,直至獸醫幫傷口拆線後,才可以除下頭罩。咁樣做係有原因的,痛苦啲都無辦法
圖片參考:
http://hk.yimg.com/i/icon/16/17.gif
。
這樣做除咗要避免貓貓用口舐手術後嘅傷口造成發炎外,亦要避免貓貓吞下手術用嘅縫合線,因為手術所用嘅縫合線,不但不能喺腸道內消化和排泄,更有好大機會造成腸道阻塞,假如不慎吞下縫合線,獸醫就要再次幫貓貓開刀做手術取出縫合線,使貓貓再受多一次不必要嘅痛苦。
所以:
1. & 2. 您係必須要讓貓貓戴上頭罩的,而且儘可能要 24 小時戴上,更不要心軟讓他鬆一鬆而諗住將整個頭罩除下來一陣,其後再重新戴上。記住您的貓貓首次戴上頭罩嘅時候,係因為診所護士趁著手術後麻醉藥藥力未過,喺貓貓昏迷期間將頭罩輕易戴上的,除非您真係好肯定貓貓清醒嘅時候係絕對會服從您,否則我建議您的貓貓應該要每日 24 小時戴上頭罩,直至獸醫幫傷口拆線為止(通常傷口復完進度理想,15-20日左右就可以拆線)。
而選擇固定頭罩嘅繩子方面,獸醫通常會用尼龍繩,但假如覺得太緊而使到貓貓唔舒服嘅,您可以選擇用中國製無彈性的紗布繃帶固定頭罩(國貨公司 or 藥房有售 - 以 size 1吋 嘅最佳)
3. 如果唔帶頭罩,就真係無咩方法可以令貓貓唔好舐個傷口。戴頭罩已經係唯一一個最理想嘅方法,唔通......一直將貓貓麻醉咩?(根本就唔可能)
4. 當然有生命危險啦,正如同人一樣,傷口發炎防即代表傷口受到感染,除咗傷口痛楚增加外,貓貓更會發燒,更嚴重的情況會脈搏加速,發抖及昏迷,甚至死亡。
如果您仲有唔明白嘅地方,請致電您的獸醫診所,診所護士係會好樂意解答您的疑難的。祝您的貓貓早日康復!
2008-02-19 01:16:17 補充:
注意:手術後嘅初期,因為受到麻醉藥和抗生素所影響,貓貓可能會有明顯嘅口喝情況出現,所以作為主人嘅就要留意貓貓飲水嘅份量,提供比平日更多嘅水份予貓貓飲用。如果您仲有唔明白嘅地方,請致電您的獸醫診所向診所護士請教啊!