有關canon閃光燈

Canon網頁可以睇到三支閃燈的詳細規格
http://www.canon.com.hk/tc/consumer/product/default.aspx?cat_id=25&series_id=10004
Canon現役閃燈有三支.220EX,430EX同埋580EX II,分別係火力同埋功能.
220EX係最入門閃燈,火力只有GN22而且燈頭冇得變焦,無論你zoom到幾長焦距,佢都當你用28mm影,嘥晒啲火力.而且輔助對焦燈只照到中間一個對焦點,冇得用無線閃燈.
430EX係中階型號,火力大小小,燈頭可因應焦距進一步加強火力.可傳送色溫資料到相機等相機微調色溫.燈頭又可以轉動方便打跳燈.有得用無線閃燈,輔助對焦燈又可以照到九個對焦點,閃燈補償等可以閃燈調較,唔駛靠晒相機,而且有手動輸出.
580EX II除咗有晒430EX既功能外,火力再大小小.多咗燈頭可以向下,向右轉動的幅度也較大,輔助對焦燈可以照到45個對焦點,就算用最勁既1Ds Mark III都照得晒.可以外接電池盒方便更快回電,而且係唯一一支防水閃燈.
買閃燈我的建議幾時都係買最勁火力嗰支,其他功能都可以慢慢就,火力唔夠就係唔夠.而且閃燈買一次就得,值得買支好啲既,閃燈最唔夠力既時候唔係黑地方,因為你可以開大光圈開高iso.反而係背光要同太陽角力時,最高速同步限制咗快門速度,光圈要就翻佢就唔可以大,加高iso快門又會變快,呢個時候就睇到支燈既身價.

好同意樓上的回覆......
三支閃燈以580EXII火力最高

特別係這段..............
[買閃燈我的建議幾時都係買最勁火力嗰支,其他功能都可以慢慢就,火力唔夠就係唔夠.而且閃燈買一次就得,值得買支好啲既,閃燈最唔夠力既時候唔係黑地方,因為你可以開大光圈開高iso.反而係背光要同太陽角力時,最高速同步限制咗快門速度,光圈要就翻佢就唔可以大,加高iso快門又會變快,呢個時候就睇到支燈既身價.]

聽你說買左部5D.....
我想你都不是入門級....
580EXII 應該都要考慮下...........