我在博彩業工作....

我係基督徒，依家係馬會裡面工作，係有少少比現實情況下被迫做住呢份工先！因為我之前一向都係做d客戶服務既工作，咁岩聖誕節過後又失業，咁報紙登話馬會請人，時薪又幾高，加上我有經驗，覺得請我既機會幾大，就冇諗咁多，係咪都做左先！因為過年難搵野做，唔到我揀咁多，但其實內心一直交戰！
早幾日，終於冇可避免底下比一個教會既朋友問我做邊行，我如實作答，佢勸我唔好再做，仲邀請我參加團契，我何尚唔知做呢份工係唔岩？事實公司開會，個經理仲話我地唔係博彩業，要改名叫運動娛樂事業，我聽到後真係覺得好哽耳，覺得佢完全係想將我地洗腦！你話佢擺明話搵食係咁架喇，都仲好地地！
依家份工，就算再唔好，我都叫適應左落黎，再搵份新既，應該唔難，但做落我頂唔頂得順真係唔知，如果我單純唔想做博彩業而去轉工，咁係咪好多餘？
各位弟兄姊妹，我依家應該點算？