✔ 最佳答案
希望網友man970718可以尊重一下,唔好copy我既回答,我所有回答除提供必要既官方資料外,都係自己親自打出唻,希望大家都可以尊重原創,謝!
抄襲既係同一發問者對上一條問題:
http://hk.knowledge.yahoo.com/question/?qid=7008021103300
A.對鼠鼠最佳既溫度大約20-26度,呢D溫度可以唔用鼠棉,但要留意返鼠鼠放既位置同室溫,有D屋企會比較凍or當風
B.你洗籠既方法冇問題,其實冇話幾多日要換一次木糠,個個籠大小唔同,都已經唔同,籠大d就冇咁快污糟
覺得污糟就要清理一下,可每日清理鼠鼠排泄物集中地,咁就衛生得多,最耐一星期大洗一次籠
詳細情況係以下既咁,當然可以靈活地改變做法啦:
每日:將鼠鼠排泄物集中地清理一下,整走D排泄物,因為鼠鼠好多時都會集中一兩個地方排泄既,不過初養既時候鼠鼠就未必有呢個習慣,要到鼠鼠熟左個籠之後先會
數天:如果幾日就覺個籠污糟,可以只換木糠OR成個籠清洗
每星期:最少一星期成個籠清洗一次
每個月:每個月OR鼠鼠生病時,可以同成個籠用小動物專用消毒劑消毒一下個籠or用牙膏洗籠都唔錯既
C.木糠我會用日本牌子or LM,約$30-40,大約係50L包裝,較大片,CHIPS我都用過,當冇前面講既兩個牌子時就會用,雖然係冇咩雜質咁,但就碎好多,都要留意返就算同牌子,有時包包未必一樣,買既時候可以留意一下
用木糠時要留意:
1)放入籠之前揀走一d大舊既木粒,尖長既木糠,因為呢d會有機會整親鼠鼠,鼠鼠放入腮既話又易整穿鼠鼠既腮
2)放晒入籠之後用手小心地檢查下木糠仲有冇尖or粒狀既木,仲可以feel下鼠鼠在上面既感覺
3)如果懷疑鼠鼠對該木糠敏感就要盡快換過第隻木糠
4)留意木糠會唔會潮濕,受潮既都唔可以再用,所以每次用完,記得封好先放
D.7-8粒便便其實唔算多,鼠鼠好多時未消化晒就會排泄(所以鼠鼠會有食自己便便既情況,食返未消化既維他命),所以一日會有幾十粒便便都唔出奇,最緊要係質地正常
而鼠鼠喜歡用排泄物去表示自己既地盆,所以去到第個地方特別會去便都唔出奇
E.鼠鼠一天係要食身體重既10%食物,而瓜子呢類最好唔多過當中既一半
如果糧真係有太多瓜子都可考慮轉糧,如真係要轉糧,可以混d新同舊既食下先,慢慢再完全取代,而且要留意,買既糧最好唔止一間鼠店買得到,以免到冇咩糧既時候,該店冇得買,咁就好麻煩了!我試過買一款糧,就係間鼠店冇晒貨,攪到要打好多電話,走好多地方,結果...都係買唔到,忽然轉糧始終唔太好既
唔知你用既糧係咩牌子?Marukan,LM,Sluis,Prestige之類既牌子名,當中LM係我覺得最唔好既糧
我用開Marukan橙色包裝既糧,瓜子都算多(都好似近一半),不過我就覺得食左d排泄物好似冇咁臭,加上我冇俾其他野我既鼠鼠食,所以都唔會過肥
如果鼠鼠有偏食瓜子既話,可以試下就算見佢最初揀晒瓜子出唻,只要你唔好立即再加瓜子落去,等佢再食其他種類先,到差唔多冇啦,先再加糧落去.冇得俾佢揀佢都要食其他食物,慢慢等佢習慣唔好偏食
