[急問] 處理黃金葛方法!!!!!! 泥種變水種後應否斬晒所有根?

黃金葛無論用泥種用水種都要時時剪短啲根， 因為根短容易吸水， 植物就會長得好。
你的黃金葛由泥種轉為水種， 首先要清除所有泥土， 然後

1. 你可以把根剪到剩番1 吋左右， 插在水中， 當然根部要浸住。

2. 你可以剪去全部的根， 只要莖上有節的部份或本來有根的部分浸在水中， 就會長出新根， 【新根太長或變黑， 也要常常修剪】。

黃金葛很粗生， 莖部很容易生得很長， 你可以隨時把它剪短， 剪出來的部份插進水裏。 至緊要有節的部分或摘去一兩片葉， 把摘去葉的部份浸在水中又會長出新根。

我就常常咁樣將我的黃金葛繁殖送比同事， 朋友。有水種， 有泥種。

至於換水， 你可以一星期或兩星期換一次， 唔使全部換晒， 倒去一半水， 加番新水就得。總之唔好俾佢乾晒。