保險業的重要性,please

好簡單,保險o既重要性就在於佢係脫離窮困生活o既方法,
咁保險回令人脫離窮困呢?
當一個人發生意外,病左,甚至死亡都需要用錢,
如果你無一份足夠o既保險(記住,係足夠o既保險)
你點樣搵到呢筆錢?你可能要將你o既積蓄,你o既投資拎出黎,
甚至要到處借錢先可以有呢筆錢,結果你就算最後解決左呢個問題,
都可能用左一大筆錢甚至債台高築,但係有得借都仲好,
如果你係一個家中o既經濟支柱,當你有事唔響度,
請問你屋企人點生活呢?呢個時候有一份保險o既話,
個分別你可以想像到有幾大,個分別唔係只在於呢個家庭,
佢身邊o既人唔需要拎d錢黎幫手(就算幫又可以幫到幾多?)
政府都有改變,因為政府唔需要出咁多錢做綜援,
當然你份保險可以養到個agent同保險公司令經濟好左都只係題外話,
好多人成日話保險要供好多錢,令到自己要拎好多錢出黎,
但係呢個世界邊有免費o既午餐?你能夠得到一個保障,
點可能唔收錢?記住,保險唔係一個負擔,而係一個責任,
一個人無責任感係唔會有成功o既人生,依家d香港人就係因為無責任感,
只係會抱怨話呢樣要錢果樣要錢,但係又唔會理解呢d野對於佢o既用處,
所以依家香港o既生活環境,經濟先會越黎越差,
不過我地都可以睇到政府已經開始作出改變,好似強積金同強醫金咁,
但係呢d野要改變係要用好長時間,希望將來o既香港會變我更好啦.