Executive Assistant 工作

首先我要講講有乜要做，Executive Assitant 有兩種：
1. 同文員差唔多，呢oD工作人工通常唔高，但係我估樓主唔係講呢種；
2. 做admin o野為主，呢類工作人工比較高，由10000至20000左右。呢oD工作要做好多好銷碎o既事，舉oD例子：例如你o係oD non-profit organisation度做，可能要攪oD seminar，咁你要出信俾有關團體、收錢、book 地方、安排場地佈置、搵speaker、安排seminar之後o既dinner等等，所有o野，你o係要o係無人提你o既情況下自動自覺做。就以搵speaker 為例，真係煩都煩死，有時呢個speaker可能唔想見到另一個speaker，有時個speaker o個日真係唔得閒，但係你老細一定要o個個speaker出現，咁可能因為咁要改期，所有o野重新book過，又要同其他speaker講要改期；又以安排dinner為例，你負責搵餐廳、同餐廳商量o個日o既酒菜，傾好仲要俾你老細睇係咪OK；收錢又係另一麻煩，呢個俾cash、o個個俾credit card 號碼你、呢個又俾cash，cash、cheque你要安排人幫你去銀行入o左佢，credit card 要你通知銀行幫你過數，如果credit card 過唔到數、cheque 彈票你又要聯絡o番o個個參加者叫佢再俾。
跟住可以答樓主問題：係咪好少請男性？
如果係上面第1類，答案唔一定；如果係上面第2類，我只可以答你，oD老細基本上無性別歧視，但係一般呢oD工作係女仔適合oD，因為正如我上面所講，呢oD工作要做好多好銷碎o既事，女仔一般都會俾男仔細心，而且男仕好多都唔鍾意做呢oD工作，所以你會發現做呢oD工作，一般都會係女士。
我自己做過兩間 non-profit organization，可以同你講如果你去non-profit organisation，你要有心理準備同一般私人公司／政府工係好唔同：呢oD organization會係由一班唔受薪o既committee去管理，呢班committee o個oD人你平時o番工你係見佢o地唔到，但係佢o地係你老細。佢o地會o係夜晚／lunch time／星期六日，先至過o黎開會去決定機構o既問題。由於呢oD人唔係成日見到你，所以好多時唔會明白你工作上有乜難處。仲有，你o係私人公司做又好，做政府工都好，會點你做o野o既，通常都係你老細、你老細個老細，但係去到呢oDnon-profit organization，呢個committee入面所有人都會叫你做o野，committee通常都有十幾人，即係你1個人要服侍十幾人，所以好辛苦o架。（我唔知你明唔明我呢段講乜，如果你唔明再PM我啦）
至於政府o既呢類工作，我未做過，唔係太清楚，不過政府部門可能無噤辛苦，如果你真係想試呢類型工作，我建議你試政府o個oD