富通基金/保險買得過嗎?定係銀行好?

你朋友如果係富通老細, 咁就幫熟人買好d, 但我唔係話要搵銀行好d, 基金/保險都是買一個服務, 你應該有需要才買, 不因有朋友在賣而買。而且保險同基金根本係唔同既理財產品。
保險係保障因可能發生的風險產生的財務損失, 例如你月月都俾1,000家用你阿媽, 如果你今日死啦, 你阿媽就損失這1,000家用, 所以為保障你阿媽, 你就自己買份人壽, 受益人寫你阿媽。如果你無人無物, 就買來無用。
基金投資係服務既一種，投資者將金錢付與專業基金經理打理，以求在金融世界獲取回報。情況同你剪頭髮一樣，你可以自己剪 (自己買賣股票,債券等等), 又可以上髮型屋(基金公司)付費與髮型師打理(買基金)，藉此獲得個新髮型 (回報)。自已買，最多買港股美股；但基金公司可涉足印度，俄羅斯等等。等於自己買餸，最多去樓下街市，但出街吃，就可以去第二區。一般月供1,000元已可以買一隻基金, 如果一筆過買, 最平是買etf, 幾千都可以, 不是etf, 就8,000到啦.

基金是資產管理公司的產品, 銀行同保險公司都只係中介人, 不過銀行係有只做中介服務, 收的是一次性的認購費(1% - 5.5%), 保險公司多不收一次性的認購費, 反而會收年繳的計劃費(1%保險成份加1%計劃管理費等)，保險公司因為係主力做保險, 所以一定要經保單進行投資。除了經中介人買, 你也可直接跟基金公司買。
留意, 保險公司做的是保險生意, 經它買基金, 保險公司要用保險包装投資, 一定要你買有一個小额保險, 過河濕腳, 有什麼理由會比只做代理的中介人好? 買基金就直接買, 千萬不要買投資計劃。
買股票就等如自己買肉買菜煮飯, 最平, 但花時間；買基金是出街吃, 貴一點但有人服務你, 這家不好, 下次可以去另外一家：買基金月供投資計劃, 是每月買某飲食集團的餐券, 為什麼你要付更多的錢而得到更少的選擇？
如果經基金公司買, 你要在基金公司開户, 最低投資因基金而異, 最低可以是hkd1,000. 好處是基金公司會給你基金年報, 從中你可以查看基金投資了什麼, 還有基金經理對市場分析. 壞處是你只可以做同基金公司的基金轉換, 但基金公司大都長於某類基金, 可能選擇不多。另外有些基金公司為了省掉處理客戶客戶根本不接受開戶, 例如有金手指之稱的惠理, 安本也是一樣。
經銀行買的好處是可以用一個戶口買多個基金公司的產品, 那便可以選市場上最好的印度股票基金跟中國股票基金, 而不需在兩間基金公司開戶. 也可以有網上買賣 (hsbc, icbc, hang seng, etc).
至於經保險公司做投資是最笨的選擇, 詳情請看想投資基金，唔知個plan有冇搵笨！？
巴菲特給年青人的見意有講:
有錢人不做儲蓄或退休計劃, 因為叫你買這計劃, 說到期會有一定回報的人, 首先他們已在你身上取得可觀的回報了。
先求知, 後投資, 去這裡學多點投資的知識吧http://www.invested. hk/invested/html/TC/ features/index.htm

記住你不理財, 財不理你, 祝你好運。

睇你agent, 如係friend 仲係肯幫你睇下, 甘就好, 我有買富通,個agent 好差, 完成隱形. 無論問咩, 做咩都係只可以靠你自己打去客服 or 上客戶服務中心
買左3年只是在交手續費,沒有任何買賣過, 每次搵佢, 都搵唔到, 到搵到啦, 又話在部署中.....就甘就部署左兩年幾.....唉~

首先你要知道同銀行買基金與保險公司買基金的分別。你打算買的是月供基金，我只講月供基金。
月供基金基本上分兩大類。
1 有保險成份（保險公司及銀行都有得賣）︰有合約限制年期，通常會長逹15年或以上，不過最近有銀行推出3年期的。通常供滿頭18-24個月可以申請暫停供款 (premium holiday) 一次，為期2年，之後要供足全期，即15年或以上。中途斷單都要收足全期（15年或以上）的行政費，管理費等。至於3年期那隻，供了第一年後斷單基本上是攞唔番錢。呢類基金同樣會升會跌，一樣可以勁蝕。
2 純基金（銀行有得賣，但保險公司就冇得賣）︰冇合約，冇年期。基金是以美元計，由於賣出基金每次最少要超過港幣2萬元，所以只供了幾個月，未必夠2萬元港元，會唔賣得住，但可以等佢升超過2萬港元先賣。有d月供基金會限制頭半年不能較基金，之後點轉都得，唔供住但又唔攞走d基金又得，攞走晒變番港元又得。有基金在戶口先要比錢，冇就唔駛比。非常靈活。同樣可升可跌。
你要睇下邊種基金會合你多些，唔係跟你朋友起邊度做就起邊度買，建議去銀行買純基金，就算做錯決定，供左兩個月，唔供，都只不過係將d錢暫時罷起基金戶口，佢會自己升值，等到佢升過2萬港元先賣左佢。但有保險成份的就不能了，就算做錯決定，都要斷續供落去，如要斷單就要比足全期費用，蝕硬。
至於點衡量回報，手續費比較，你一定要去銀行問佢地攞d月供基金的資料，滙報比你睇，通常都係個幾種收費，列明出嚟，回報都有寫埋，你睇多幾張自然知多d。 ICBC的服務較好，你去問下拉。