我買左份全保, 想問下而家政府咪要自己出去買貴藥食, 保險包唔包？

獨立講醫療保險。其實要唔要keep 份單主要係睇你會揀住私家醫院定政府醫院。
分住院，門診同零用現金三種。所有醫療保險都唔包身體檢查。但如果醫生懷疑你有某些病而叫你做檢查（例如︰照x-ray，驗血等）是包的。另外有一種專為婦女而設的醫療保險，詳情我唔係太清楚，你可以問下你個保sale.
你買的是住院，所有經門診的開支都係唔包的。即是如果睇門診，而醫生叫你去做檢查（例如︰照x-ray，驗血等）是唔包的。另外，政府門診的藥費同寫紙叫你另外再買的藥費都係唔包的。除非你有買埋門診保險拉。
依你介紹醫管局其實無一個全面的住院保障比你，因為手術費唔包，麻醉師唔包，咁即係你要同其他街外人一樣咁比錢。我唔知政府會點計，係劃一收費每天計，還是不同的手術有不同的收費（好似私家醫院咁）？
個人認為你要先考慮幾樣野。
1 係政府度做手術的收費是否後貴？點計法，如好以私家醫院咁計法就唔好cut個plan。如劃一收費以每天計，就可以考慮cut plan。相信政府唔會收HK$1,000一天掛？
2 當有事時，你會去政府醫院定私家醫院？如果你揀前者，咁個plan好多野都會嘥左。如果去私家，你要先check 下你心儀的私家醫院的費，因為間間唔同，相差好大，買少了或買多了保險都唔抵。
3 相信你都有聽聞有個政府醫生患了癌症，在新的醫療制度下，攪到無錢醫病。因為好多長期病患都係睇專科門診，咁個住院保險包唔包日後專科門診的開支？
4 好多時政府醫院都有好長條隊要排，私家會快好多，保險就可以幫到你。
5 如果大病同長期病患，始終都會睇政府，因為就算買左保險都負擔唔起。城中名人有咩大病個個都係入政府醫院，除非真係d好超級有錢的人拉。

再講個意外保。
其實意外保除了有醫療保障外，仲有由意外引至的殘疾同傷亡賠償。意外保的保費一般都唔貴，無必要cut。

另外建議，將個醫療保險抽番出嚟，唔好跟人壽單買，靈活度會大好多。因為香港的醫療制度正在轉變中，唔知會變成點，而且你亦可能轉工，公司的醫療保險全面的話，你自己唔駛再多買一份，而且你又可以睇多幾間保險公司的產品，轉保險公司時亦唔會影响到你張人壽單（人壽單買了之後不宜轉，不宜cut）。

往院零用現金都係好實際的保障，可以考慮購買。

有關你的問題，應該是份保險計劃是否適合你的問題。

首先，包工不包料基本上是所有實報實銷的醫療保險的特點。

不過，其實樓主不用太擔心，因為根據我的經驗，一般要用到很貴新藥的時候都是很嚴重的疾病。尤其是cancer，大部病人都會面臨一個問題，用醫管局包的藥就不用自己出錢，但副作用如脫頭髮，身體難受等情況就很常見。

而用新藥就可以免去很多副作用，但價錢貴，至於要幾貴，就要看病人的身體適合那一種新藥了。平的一個療程一兩萬就可以，但貴的可以去到幾十萬。

所以我一般建議客戶應則重買大一點危病來應付這些開支。


有關醫療保險的種類等等，我在這裏有詳細的解釋，可參考這裏。
http://hk.knowledge.yahoo.com/question/?qid=7008021800964