[10點!!!] 走財務公司數,後果會點??

佢地當然會設法搵你出黎。

除左報警，仲會拎到各大電話機構的記錄。

唔係刑事案件，唔會上門拉人。 走左數之後，當然唔可以再伸請任何一張信用咭拉，但係任何一張電話咭，你都唔可以伸請，佢地有方法拎到好多個部門的個人資料。 你搬左去第二度，但係一做一D要身份證同住址證明嘰野，無幾耐你就會收到佢地D追數信同埋電話。

仲有，走數之後，個人信貸記錄會俾你最差嘰評級，呢個評級會跟住你，雖然話係三年更新一次，但要睇番你舊記錄唔難。

呢度都係 六萬五蚊姐，唔好為左咁小錢攪到成世人連電話NO都出唔一個，唔值。要走，都走一千幾百萬。 六萬五...連部新車都買唔到....諗清楚呀

你而家條數唔係好大啫, 唔駛去到咁盡呀!
如果你走數, 咁你申請財務時一定要填你親戚呀, 或朋友之類資料, 咁佢哋咪煩個喲人囉, 你話你幾唔負責任呀....
唔好以為你搬左佢會真係搵唔到你, 有喲收數好神通廣大..... 我有個朋友走左條數4個月,家同工作都轉埋,佢哋都有本事搵到佢而家工作地方, 唔係呃你, 你自已想下啦, 你還最低還款額都係兩千元啫,
你搬家既洗費都唔只啦.....

另一個同類問題好似都係你問

錢債唔會犯法, 除非有騙財証明
就好似你而家實際無爭人地錢
但問完之後覺得無大問題就刻意去借錢跟住走佬
就有可能犯法
有犯法就拉得, 無就唔拉得
通緝未好似貼街招尋人咁囉
出境唔會有問題, 亦都唔會越境去追你, 睇你都係打算借一筆就走人, 快d走喇
不過唔好返來呀, 財務d人一知你返來就睇戲都知會點喇
另外無記錯的話財務公司係你借錢時
應該留左一, 兩個家屬資料
雖然佢地唔係擔保唔洗上身
不過財仔就一定得閒就上門探下佢地搵你
所以記得唔好再見佢地, 就算兄弟都可能賣左你唔洗煩