傢俬+設計公司 不退還按金$8500

傢俬+設計公司 不退還按金$8500

我哥哥係北角搵左一間有畫圖兼設計傢私公司, 送貨當日佢地已經遲左至少5小時才將傢私送到, 每次都話就得就得, 個運輸又諸多藉口話嚟緊, 到咁上下又話啲單送唔切,最後要等到夜晚十二點幾先收貨, 到收貨既時候發覺所有傢私尺寸完全唔得,張床同個組合櫃尺寸完全唔可以放到落間房, 傢私有好多明顯撞花, 師父又不負責任唔肯收走傢私, 只係不停建議cut短張床去就個櫃, 其他野又係咁(包括另外一個L型地櫃+ 吊櫃)!!!又唔肯拎走傢私話第二日再黎. 到下一次佢地仲好意思要我哥哥比多三千蚊佢!!! 由於將近新年, 個師父上左黎幾次度尺但又唔知佢係到做咩, 之後同佢講有關傢私問題佢就係到發脾氣打櫃,仲想打人(當日個師父仲整爛埋張床)!!! 攪到我大哥係房都要出黎兩次叫佢唔好再嘈!!! 我阿哥同佢講咁多問題要求退回所有傢私, 打去佢(設計公司)又唔肯退回全部訂金. 之後仲打電話恐嚇我阿哥, 好話我阿哥玩野,唔驚我地搵消費者委員會,叫我阿哥玩大去, 我同你慢慢玩!!! 打番公司要求換人佢地話只係得佢一個人服務,我想問咁可以點做?? 救命!!! 好慘.....