買數碼相機

我最近都打算買相機,所以不停睇機,以下係本人小小心得!
我向朋友講話睇中sony T2 一個二個都極力反對,其中原因話容易壞及相機唔係佢專長,佢賣點只得個外型!咁我又真係鍾意佢個外型嘅!
呢兩日見到部Casio S10外型超靚,有個朋友攞機有折諗住叫佢幫手,點知佢話打死都唔會幫我攞,因為呢個牌子好唔掂,因原好易壞!咁我就放棄咗!
Canon 我都覺得唔錯,只不過就算960鈦金屬機身我都覺得好重,所以放棄咗!
我妹妹用緊Olympus(型號唔記得)我有用過影出嚟嘅相都非常好,你可以自己睇吓啱唔啱!
我問我朋友有邊隻掂,佢就話Panasonic & Nikon, Panasonic 我老細有部FX 100 我有試過,質素都好好,我都列入考慮當中.而Nikon不嬲啲人都讚,所以 我今日去咗泰林比較Panasonic & Nikon,比較時sales推介Fujifilm F50,三部比較下Nikon S700 影出嚟效果色.光都比較差,而家我只係考慮Panasonic FX 100 同 Fujifilm F50,但係比較偏愛Fujifilm F50,因為功能啱我喜好,所以你可以縮窄範圍睇機!希望你買到心頭好啦! ^^

據我所知 Canon 相機色準較好,

sony 的外型多數比較令, 影微距亦可以最近,
但會偏色, 容易偏藍偏黃.

Panasonic色彩比較鮮艷, 但亦可說鮮艷到有點失真

小小經驗, 希望幫到你