點解我隻倉鼠買番來係咁爬,佢係咪想走?

新鼠未習慣環境係會特別不安,加上動物在籠想爬出去都好正常,如果有第隻鼠同佢同一籠既話,就會更不安(因為鼠鼠係獨居動物)

A.佢咁不安好易受驚,受驚有機會誘發甩毛肚瀉等疾病,所以要小心處理,鼠鼠買返唻既初時,頭兩日唔好打擾佢,再試下以下方法 同鼠鼠熟:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

B.到同左鼠鼠熟之後,如果鼠鼠仲有爬籠既問題,就可以教佢唔好爬(鼠鼠有咬籠既問題都可以用同一方法,但記緊係要同鼠鼠熟左先咁做,唔係鼠鼠好易會驚左你)
我習慣見到鼠鼠爬籠既時候就會叫佢,用d好似鬧佢既語氣叫佢,多數佢會停一停,之後又爬過,咁就再鬧,佢一唔爬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次

C.如果怕鼠鼠逃走,就可以用鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁

2008-02-17 19:28:16 補充：
仲要留意返籠既地板係咪安全,唔係鼠鼠爬爬下趺落去就易卡住,地板要係冇一間間(轉輪都係),如果係危險既地梭可用膠file整返密佢,同時記得放多d木糠

是的,鼠科動物絕對是天生的逃走專家,家中的倉鼠養了2年多,仍然口口咬籠,天天想跑,是沒法子的事.小心.