將照片變清晰

將一張矇咗既相變清晰基本上係冇可能的,有啲影像編輯軟件例如Photoshop, paint shop pro等可以用Unsharp mask輕輕加翻sharp張相,但係作用好細,原本都幾清既相可以錦上添花,明顯矇咗既相係救唔到的.
夜晚影相用全自動閃燈影應該唔會手震,最多背景變黑,但光線暗對相機的對焦系統是很大考驗的.成日會對錯焦,如果你的相機可以俾你估對焦距離,最好就估,我經驗係成功率遠遠高過靠自動對焦.另外如果相機有輔助對焦燈都幫到的,不過一般輕便DC有效距離好短,影單人照先掂,影大合照就會因為太遠照唔到而失效.真係乜都冇的話最好就就去翻啲光地方先影啦,冇理由自己帶盞大光燈去補光呱.
紅眼幾乎又係輕便機的死症,由於機身細,閃燈就做正喺鏡頭旁邊,閃燈光直入人眼,唔紅至奇,大部份輕便機的防紅眼預閃都係廢的,非常微弱,根本不足以令人眼朣孔收縮.幸好紅眼好容易用軟件事後抺走佢.就算你冇Photoshop,用window內置的小畫家自己油咗佢都得.