倉鼠皮膚吾知生左D咩

相片十分模糊,實在連係倉鼠都睇唔出,唔知黃色既野係凸出唻一粒粒咁定係冇左毛見到入面係黃色呢?有冇膿?如果唔係呢兩個情況煩請再形容一下
唔係幾睇到相但好似唔係凸出唻,如果係平面黃色,類係傷口結疤咁既話,可能係皮膚病,而如果係一粒粒,則有可能係膿瘡or腫瘤,養左兩年鼠鼠都已經年老,可以既話當然最好帶鼠鼠睇醫生,年老既鼠患病可大可小

A.皮膚病
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既
7)唔好用有色or有味既木糠,因為呢d都好易令鼠鼠皮膚敏感,敏感嚴重起唻係會致命既
8)當然可以直接帶佢睇醫生啦

B.膿瘡or腫瘤
林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了

瘡既話,最好在爆之前就處理好,唔係既話,爆左就好麻煩,好難好返,獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.

腫瘤既話應該會照下,再做手術整走佢

放膿or整腫瘤都要落麻醉藥(放膿要睇位置同情況),你隻鼠年紀大,所以要考慮清楚先好決定,老左既鼠好難承受到麻醉藥既

呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

睇醫生前可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖,可用鼠專用棉
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

睇5清楚=_=
不過我隻倉鼠之前都生左一粒黃色野係個咀附近
但後來聽電視話如果佢住既地方5清潔
就會有皮膚跟住我就幫佢洗曬個籠 , 屋仔.....
總之全部佢用既野都洗曬
過幾日粒野變黑左
再過幾日
無事
不如你試一下幫佢用既野都洗曬
睇下會5會變好