年紀相差8年,係咪太多?

首先我想問清楚 ... 你o既意思係咪話 ...
你大過個男仔八歲 ? 因為我唔係太確定 ...

如果係你大過個男仔八歲 ... 其實你真係要好好諗清楚 ...
因為我都同你有差唔多 case ... 不過我只係大過我男朋友
兩年 ... 但係其實大家都已經有 d 問題 ... 始終男仔o既思
想行為都比同年o既女仔幼稚 ... 如果佢重要年紀細過你咁
多 ... 咁日後相處其實都有幾多問題會產生 ...

以我為例啦 ... 我男朋友而家成日都只係掛住打機 ... 成日
乜都唔想諗 ... 只想活係佢自己世界入面 ... 佢唔係唔鐘意
我 ... 但係因為佢而家都只係廿二歲 ... 佢唔想咁快去面對
咁多野 ... 佢唔會想去想太多將來o既野 ... 佢唔想咁快面
對結婚生仔 ... 我地已經拍左四五年拖啦 ... 我都已經廿五
其實過多兩年都想結婚 ... 但係到時o既佢都只係廿四咋 ...
其實真係太年輕啦 ... 所以呢 d 就係食得咸魚就要抵得渴 ...

你要預左同一個年紀差咁遠o既男仔拍拖 ... 一定會成日感
受到一啖沙糖一啖屎 ... 佢可能會係一個好可愛o既小男生 ...
會做好多大男人唔會做o既傻事去氹你開心 ... 但係開心過後 ...
可能佢又會唔係太識諗 ... 唔太成熟 ... 你地可能又會成日為
左 d 好小o既事情嘈交喎 ... 果時你又會覺得好痛苦 ... 覺得
自己抵死啦 ... 搵個細自己咁多o既人 ... 哈哈 ... 係會好矛盾 !

所以你要諗清楚先呀 ! 不過 so far ... 以我個經驗黎講 ... 其實
只要兩個人係鐘意對方 ... 呢 d 都唔係大問題 ... 相處本身就
係一門大學問 ... 每對情侶都要學 ~ 只係可能年紀差得遠 ...
問題會比較多 d ... 但係情比金堅嘛 ~ 只要你地兩個係想係埋
一齊 ... 咁無問題係解決唔到 ...

唯一你要考慮就係 ... 呢個o靚仔 ... 到底有幾真心囉 ... 第一次
見就即叫你做佢女朋友 ... 咁佢都幾大膽幾厚面皮喎 ... 可能佢
都係溝慣女仔果 d ... 或者只係覺得你外表吸引 ... 根本都未好
好了解清楚 ... 根本未講得上係鐘意你 ... 所以你自己如果真係
想同佢有進一步的話 ... 一定要好好保護自己 ... 先去睇清楚佢
係一個點o既人 ... 最好首先做朋友先 ... 唔好一下只就答應佢 ...
如果佢真係鐘意你 ... 佢一定會等你o既答案 ... 如果佢係喉琴
你唔答應就算 ... 咁你都無咩必要再理呢 d 咁 o既人啦 !

2008-02-18 14:39:27 補充：
嗯 ! 咁即係我無理解錯啦 !咁你自己真係要好好諗清楚 ~始終個男仔細過你咁多 ...你可能要俾多 d 時間同埋耐性 ...等佢成熟 ... 但係同時間 ...女人o既青春係好寶貴 ...到底呢個人值唔值得你去等呢 ?

有問題!!!!!!!!!!!!!問題係佢同你係2種人

咁快嘅話就有必要同佢講明;『吓、咁快，不過我都明嘅，如果啲人唔係咁心急嘅話，我而家就唔會同時有幾個男朋友咁多啦，如果做普通朋友，ok嘅，不過耐左我會厭架，到時我通知你停就要停一年半載咕喎，你同唔同意吖？』
一係就話:『等我考慮下再答復你呀，不如通下msn先，再決定啦好嘛。』

年齡不是問題,只要大家溝通良好,其實係無問題架! 主要都係你係咪真係鐘意佢囉! 以前有好多夫婦都係相差8 年或10年以上,再者男仔成熟d會識諗一d.同識得遷就你,同你講道理,唔會咁輕易放棄感情,不過係街認識始終都要小心同了解清楚佢為人,可以試做朋友先嘅.希望你能找到真愛!

年紀相差8年，有咩所謂﹗
香港有D人相差十幾年，都照結婚啦﹗
只要大家合拍，就得啦﹗

接受佢,No why!!!