用平時10$果D養魚果D膠箱養倉鼠時,點掛個倉鼠專用水樽上去?

A.有水樽係有膠吸盤,可以在膠缸邊固定,不過較易趺

但$10既膠缸我就覺得唔適何養鼠,我幫鼠鼠沖涼既膠缸好似係近$30,都唔係好大,$10既應該都幾細,冇咩空間可以俾鼠鼠活動,加上養鼠最好有轉輪,唔係活動不足易令鼠鼠麻痺
要明白養鼠都要令鼠鼠過得舒服,太細小既地方始終唔係咁好

B.如果係金錢問題,建議你可以先儲蓄再去養鼠,養鼠除左基本物品外,仲要為鼠鼠有機會病先儲定錢,鼠鼠有咩事既時候就唔洗由得鼠鼠有事了

或者可以同屋企人相量一下,睇下會唔會金錢上既幫助,又或再自行儲多d利是及零用錢先

可以留意返買鼠時需要買既用品價錢再去儲蓄,買鼠時要買既物品:(大約價錢)
1)鼠籠(數十~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水.
3)沖涼粉($30~65)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)
6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
8)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
9)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠鼠
10)額外物品(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既

唔好用果d箱，隻倉鼠會好焗+