新牧場物語 符文工廠1

http://www.ndsbbs.com/read.php?tid=71156&fpage=&toread=&page=1

結婚個個人唔同，不過至少基本上，女角的好感+戀愛度都要夠１０
至於結婚條件，我攻略過兩個，所以只講到兩個：
護士女：當救過一個橙髮既精靈細路女之後，響個細路係屋企時去搵佢，佢會畀一舊藍紫色既石你(非礦石類)，當護士女數值夠時送舊石畀佢就可以。
遺跡前既白髮女：打死左第４洞個BOSS之後會攞到BOSS既鱗片，攞去畀武器店個老人家，佢就會用３日時間整一把唔裝備得既劍畀你，當女角數值夠時送劍畀佢就可以。

升道具初期可以叫武器店既老人家做，你需要準備一個礦石：鐵、銅、銀…好似只得呢３級。第３級以上就要靠起左屋，可以鍛造既時候可以升啦。

捉動物要你起好左怪物屋之後，去搵有錢人個女僕，佢就會畀個手套你，裝備個手套對怪物使用，怪物頭上就會有出心心，多幾次之後叫你改名就叫捉到架啦。

起屋方面，只有一級畀你升，夠錢夠木材之後去商店街第二層，左邊第二間屋(即係澡堂旁邊)，同店長講就有選項。

開洞方面，基本上每個洞都是要靠打低之前個洞隻BOSS，再係果個洞挖Ｎ格泥，然後問村長要通行証就可以。
第一個洞就需要響自己牧場挖１００格泥囉。