點解改裝車係犯法?

其實改裝車輛(只要過到驗車)本身並無犯法. 犯法嘅係改裝咗唔通知運輸署同保險公司. 因為運輸署的車輛登記資料牽涉到車輛氣缸容量 / 馬力 / 顏色等. 你改裝後, 以上資料可能唔同咗(即係同你行車証唔同), 咁行車証就屬無效. 你在道路上駕駛, 就等如無行車証駕使, 犯法嘅.
同樣道理, 保險公司登記承保車輛資料, 牽涉到車輛型號, 氣缸容量, 馬力, 顏色, 駕駛人等資料. 你改裝後, 以上資料可能唔同咗. 如果唔通知保險公司, 咁張保單就屬無效. 你在道路上駕駛, 就等如無第三者保險駕駛, 又係犯法嘅.