請問埃及消費拍指數高唔高？

小弟2006年去埃及旅行時連去阿布辛貝全包宴需要$13,000。除非樓主想買蘆葦畫同香水，否則你去到嗰度買一大袋手信都唔會用多$1,000。蘆葦畫同香水都好靚，但真係好貴，一幅似樣啲既蘆葦畫都要幾百蚊，香水一盒都係幾百蚊，但保証物有所值，只係睇吓樓主捨唔捨得駛咁多錢。仲有，我唔推介買嗰啲係地灘成日見到既神像，因為一黎唔靚手工唔好，而且又太大件，唔係咁適宜做手信。如果樓主想買沙樽，記住要係洪加達買，千祈唔好係船上比導遊說服你買，因為導遊會賣次貨比你，去洪加達買到嗰啲靚好多。另外，唔好以為開羅大市集會有沙樽賣，嗰個佔地唔知幾多公頃既大市場竟然一個沙樽都無得賣，所以要買就記著趁手。蘆葦紙書籤唔係好貴，可以多買幾張，但有趣既係你可以用一啲包裝精美既朱古力或原子筆同當地人換呢啲蘆葦紙書籤，我都用一包朱古力換一張書籤既代價換左幾張。至於T恤，雖然都係由導遊係船上向你推銷，但係由於完全有晒款揀，只要你揀清楚，講清楚要求就無問題，可以放心買。

我剛1月26日回來，埃及嗰邊係無乜用好多錢，我哋個導遊叫我哋每人換usd30埃磅，如2個人的話，就換usd50埃磅，一定夠用，因為嗰邊除咗用埃磅，都可以用美金，你在香港換定美金，以防萬一，最好換多d細面額的美金，因為佢哋只會找回埃磅比你，嗰邊d洗費唔貴，不過嗰邊去厠所每次都要比一元埃磅，因為會有一個人係門口收錢，另旅行社每天都會比一枝水我哋，不過我是一個飲好多水的人，我自己都帶咗4枝大枝的礦泉水去，每天都要買1枝大枝嘅水飲，d水好平，你可以唔夠先至去買。沙樽其實無乜特別，不過你要小心，由其是放在夾裏，因為你回到香港的時間，可能個圖案已經變咗。香水、香水樽，導遊一定會帶你去買，佢哋嗰度好好服務，一入去每人選一杯飲品，另外有1枝雪條，之後才介紹佢哋嘅香薰，佢會比好多隻你試，好多你都一嗅就知道係乜嘢牌子，香水樽又真係好靚，比起出面嘅差好遠，不過呢度買得好貴，不過一分錢一分貨，你自己諗諗啦。蘆葦紙廠又係必去嘅地方，佢會介紹做的過程，然後叫你自己選購，不過佢嗰度張張都好大張，不過又就係幾靚嘅，你可以去其他景點時買d書籤。T-恤我都有買，不過係係酒店買嘅，因為我試過係出面睇，到最後我都係回酒店時買，因為D質地比較好D，同埋唔同D，可能係HAND-MADE 的關係，都係港幣100左右，不過你自己記得講價，因為佢哋好仲意開大幾倍，我哋試過佢哋開大成10倍，你當我哋係傻仔。我都未試過去旅行無嘢買返嚟，我哋2個人全程只係用咗USD50 的埃磅 ( 因為有1天自由活動，我哋4個人去食KFC食咗成80埃磅) 及美金45，呢個就係我10天團所用嘅洗費，希望可以幫到你啦

2008-02-16 23:55:11 補充：
不計去阿布辛具神廟USD200 及其他自費的活動

大約$12000~$15000